અક્ષયને આંગણે નન્હી પરી

મુંબઈ, 25 સપ્ટેમ્બર : બૉલીવુડના સુપર ખેલાડીના આંગણે એક નાનકડી ઢીંગલી આવી છે. હા જી, અમે વાત કરી રહ્યાં છીએ અક્ષય કુમાર વિશે. અક્ષયના પત્ની ટ્વિંકલ ખન્નાએ આજે સવારે મુંબઈના બ્રિચ કેન્ડી હૉસ્પિટલમાં વ્હાલી દીકરીને જન્મ આપ્યો છે. માતા અને બાળક બંને સ્વસ્થ છે. ટ્વિંકલને નૉર્મલ ડિલીવરી થઈ છે.

જાણવા મળ્યું છે કે અક્ષય કુમાર હાલ પોતાની આવનાર ફિલ્મ ઓહ માય ગૉડ (ઓએમજી) અંગે ઘણા વ્યસ્ત છે અને તેઓ જયપુર છે. ગઈકાલે જ અક્ષયને ફોન કરીને માહિતી આપવામાં આવી કે ટ્વિંકલને લેબર પેન થતાં હૉસ્પિટલમાં દાખલ કરવામાં આવી છે.

ટ્વિંકલ માટે છેલ્લા કેટલાંક દિવસો ઘણા ભારે રહ્યાં છે, કારણ કે તાજેતરમાં જ તેમના પિતા સુપરસ્ટાર રાજેશ ખન્ના લાંબી બીમારી બાદ અવસાન પામ્યા હતાં. ટ્વિંકલ ગર્ભવતી હોવાને કારણે રાજેશ ખન્નાની અંતિમ યાત્રામાં શામેલ નહોતી થઈ શકી.

આપને જણાવી દઇએ કે આ પુત્રી અક્ષય-ટ્વિંકલનું બીજું સંતાન છે. બંનેને દસ વર્ષના લગ્નગાળા દરમિયાન એક પુત્ર આરવ પ્રથમ સંતાન તરીકે અવતર્યો હતો.

English summary

Actor Akshay Kumar becomes a father again after his wife Twinkle Khanna gave birth to a baby girl this morning.