ધૂમ મચા લે... મહાન ક્રિકેટર સચિનને સમર્પિત : આમિર

મુંબઈ, 11 નવેમ્બર : આ વર્ષની મોસ્ટ અવેટેડ ફિલ્મ યશ રાજની ધૂમ 3માં આમિર ખાન પહેલી વાર નકારાત્મક રોલ સાથે લોકો સામે આવી રહ્યાં છે. ફિલ્મના પ્રોમોમાં આમિરને ખૂબ જ આકર્ષક રીતે લોકો સમક્ષ રજૂ કરાયાં છે. પોતાની રીતે ખૂબ જ બહેતરીન અભિનેતા આમિરે પોતાની ફિલ્મ ધૂમ 3ને ક્રિકેટના ભગવાન કહેવાતા સચિન તેંડુલકરને સમર્પિત કરી છે.

ટેસ્ટ ક્રિકેટમાંથી સચિનની નિવૃત્તિ બાદ અભિનેતા આમિર ખાન તેમની શાનદાર ઇનિંગની ઉજવણી કરવા માંગે છે. આ જ ક્રમમાં તેમણે પોતાની આગામી ફિલ્મ ધૂમ 3ના ટાઇટલ ગીતને માસ્ટર બ્લાસ્ટરને સમર્પિત કરવાનો નિર્ણય કર્યો છે. આમિરે જણાવ્યું - સચિને પોતાના આખા કૅરિયરમાં દરેક દેશની પિચ પર, બૉલરોના સપનામાં, અમારા દિલો તથા દેશના દરેક ખૂણે હાજર ક્રિકેટ પ્રશંસકોના દિલોમાં ધૂમ મચાવી છે. તેથી અમે બહુ વિનમ્રતા સાથે અમારું ગીત ધૂમ મચા લે... મહાન ક્રિકેટરને સમર્પિત કરીએ છીએ.

નોંધનીય છે કે સચિન તેંડુલકર મુંબઈ ખાતે વાનખેડે સ્ટેડિયમમાં આગામી અઠવાડિયે એટલે કે 14મીથી 18મી નવેમ્બર દરમિયાન વેસ્ટ ઇન્ડીઝ વિરુદ્ધ પોતાની 200મી ટેસ્ટ મૅચ રમશે. આ ગીત મુંબઈમાં તેમની રમત શરૂ થતા અગાઉ લૉન્ચ કરવામાં આવશે. પચ્ચીસ વર્ષના બૉલીવુડ કૅરિયરમાં આમિર ખાન ધૂમ 3 ફિલ્મમાં પહેલી વાર ડબલ રોલમાં દેખાશે. ફિલ્મમાં કૅટરીના કૈફ તથા અભિષેક બચ્ચન અને ઉદય ચોપરા પણ છે.

English summary

Cricketer Sachin Tendular's retirement from test cricket has left Aamir Khan wanting to 'celebrate his spectacular innings'. The superstar has decided to dedicate the title track of his forthcoming film Dhoom 3 to the master blaster.