દિવાળી અંગે પ્રશ્ન પૂછાતા કેમ ભડકી ઉઠ્યો રાજપાલ યાદવ? ગુસ્સામાં એક્ટરે પત્રકાર પર ફેંક્યો ફોન

Rajpal Yadav: બોલિવૂડ એક્ટર રાજપાલ યાદવ આ દિવસોમાં ફિલ્મ ભૂલ ભુલૈયા 3 માટે ચર્ચામાં છે. પોતાની જબરદસ્ત કોમેડીથી ચાહકોનું દિલ જીતનાર રાજપાલ પહેલીવાર ગુસ્સામાં દેખાયો. એક સવાલ પર તેણે પત્રકારનો ફોન છીનવી લીધો, જેનો વીડિયો વાયરલ થઈ રહ્યો છે.

મળતી માહિતી મુજબ રાજપાલ યાદવનો આ વીડિયો સોશિયલ મીડિયા પર વાયરલ થઈ રહ્યો છે. જે ઉત્તર પ્રદેશનો હોવાનું કહેવાય છે. આમાં, પહેલા પત્રકારે તેની ફિલ્મ ભૂલ ભૂલૈયા 3 વિશે એક પ્રશ્ન પૂછ્યો, જેનો અભિનેતાએ શાંતિથી જવાબ આપ્યો. પરંતુ દિવાળીના વિવાદનો ઉલ્લેખ કરતા જ રાજપાલનો ગુસ્સો થઈ ગયો હતો.

વીડિયોમાં રાજપાલ યાદવ ખૂબ જ ગુસ્સામાં જોવા મળી રહ્યો છે. તેણે ફિલ્મ વિશે જવાબ આપ્યો, 'દોઢ મહિનામાં અમને ફિલ્મ જોવા મળશે.' આ પછી પત્રકારે અભિનેતાને દિવાળી સંબંધિત મેસેજ વિશે એક પ્રશ્ન પૂછ્યો જેમાં તેણે ફટાકડા ન ફોડવાનો સંદેશ આપ્યો હતો. આ સાંભળીને તેણે ગુસ્સામાં પત્રકારનો ફોન છીનવીને ફેંકી દેવાનો પ્રયાસ કર્યો હતો.

તેનો આ વીડિયો વાયરલ થઈ રહ્યો છે. વાસ્તવમાં દિવાળીના તહેવાર પર રાજપાલ યાદવે સોશિયલ મીડિયા પર એક વીડિયો શેર કરીને લોકોને ફટાકડા ન ફોડવાની અપીલ કરી હતી. પરંતુ આ પછી તેને ઘણો ટ્રોલ કરવામાં આવ્યો, જેના પછી એક્ટરે તેની પોસ્ટ ડિલીટ કરવી પડી.

આ પછી, તેણે વધુ એક વિડિયો શેર કર્યો અને દિવાળી પર લોકોને સંદેશ આપવા બદલ માફી પણ માંગી, અને કહ્યું કે તહેવારની ખુશી ઘટાડવાનો મારો કોઈ ઈરાદો નથી.

રાજપાલ યાદવના વર્ક ફ્રન્ટની વાત કરીએ તો તેની ફિલ્મ ભૂલ ભુલૈયા 31 નવેમ્બરના રોજ રીલિઝ થઈ છે. આ ફિલ્મમાં તેણે ફરી એકવાર પોતાના શાનદાર કોમિક ટાઈમિંગથી લોકોના દિલ જીતી લીધા. આ પહેલા પણ તે ભુલ ભુલૈયાના બંને ભાગમાં જોવા મળી ચૂક્યો છે.

ફિલ્મની સ્ટાર કાસ્ટની વાત કરીએ તો કાર્તિક આર્યન, વિદ્યા બાલન, માધુરી દીક્ષિત અને તૃપ્તિ ડિમરી મુખ્ય ભૂમિકામાં જોવા મળ્યા હતા.

लोगों को हंसाने वाले मशहूर फिल्म अभिनेता राजपाल यादव आखिर इतना क्यों भड़क गए?

फिल्म अभिनेता राजपाल यादव आज यूपी के लखीमपुर खीरी जिले के पलिया कस्बे में पहुंचे थे, जहां एक पत्रकार के सवाल पर उनको इतना गुस्सा आ गया कि सवाल पूछ रहे पत्रकार के मोबाइल फोन पर झपट्टा मारकर मोबाइल फोन… pic.twitter.com/Gj7vCRTxEB

— Zameer Ahmad (@zameerahmad_lmp) November 2, 2024