અક્ષય કુમાર સાથે 'સૂર્યવંશી'માં જોવા મળશે ધોની? ગુલશન ગ્રોવરે સેટ પરનો ફોટો શેર કર્યો!
અક્ષય કુમાર અને કેટરિના કૈફની મુખ્ય ભૂમિકા વાળી સૂર્યવંશી 5 નવેમ્બરે રિલીઝ થઈ રહી છે. દિવાળીના અવસર પર રિલીઝ થનારી આ ફિલ્મને લઈને ઘણી ચર્ચા થઈ રહી છે.
મુંબઈ, 4 નવેમ્બર : અક્ષય કુમાર અને કેટરિના કૈફની મુખ્ય ભૂમિકા વાળી સૂર્યવંશી 5 નવેમ્બરે રિલીઝ થઈ રહી છે. દિવાળીના અવસર પર રિલીઝ થનારી આ ફિલ્મને લઈને ઘણી ચર્ચા થઈ રહી છે. આ સાથે જ ગુલશર ગ્રોવરે દર્શકોના મનમાં આ ફિલ્મને લઈને એક નવી ઉત્સુકતા જગાવી છે. એટલે કે ભારતીય ક્રિકેટ ટીમના પૂર્વ કેપ્ટન મહેન્દ્ર સિંહ ધોની પણ આ ફિલ્મમાં નાનો રોલ કરી રહ્યા છે. ગુલશનના એક ટ્વીટને કારણે આવું થયુ છે.
જાણીતા ફિલ્મ અભિનેતા ગુલશન ગ્રોવરે મહેન્દ્ર સિંહ ધોની સાથેનો એક ફોટો ટ્વિટર પર શેર કર્યો છે. ગુલશન ગ્રોવર પણ સૂર્યવંશીમાં છે. આ ફિલ્મમાં ગુલશન જે ભૂમિકા ભજવી રહ્યા છે તે જ ગેટઅપમાં તેઓ ફોટોમાં ધોની સાથે છે. તેણે લખ્યું કે, ધોનીભાઈ સાથે સૂર્યવંશીના સેટ પર. શું એમએસ ધોની પણ આ ફિલ્મમાં કામ કરી રહ્યો છે? કે પછી શું ધોની સ્ટુડિયોમાં બીજા કોઈ શૂટ માટે આવ્યા હતા?
ગુલશન ગ્રોવરે બુધવારે આ ટ્વિટ કર્યું હતું. આ સમયે ફિલ્મનું શૂટિંગ પણ પૂર્ણ થઈ ગયું છે અને ધોની ક્રિકેટ ટીમ સાથે યુએઈમાં છે. આ સ્થિતિમાં સ્વાભાવિક છે કે આ તસવીર જૂની છે, જે ફિલ્મની રિલીઝના બે દિવસ પહેલા ટ્વીટ કરવામાં આવી છે. આ સ્થિતિમાં લોકોને લાગે છે કે ધોનીએ ફિલ્મમાં કેમિયો શૂટિંગ કર્યું હશે. જો કે સત્ય શું છે તે તો ફિલ્મ આવ્યા બાદ જ ખબર પડશે.
On the sets of #Sooryavanshi with brother @msdhoni . What? Is MS Dhoni acting in the film or happened to filming in the same studio? @akshaykumar pic.twitter.com/BjMkadiZFF
— Gulshan Grover (@GulshanGroverGG) November 2, 2021
સૂર્યવંશી 5 નવેમ્બરે રિલીઝ થઈ રહી છે. અગાઉ આ ફિલ્મ ગયા વર્ષે રિલીઝ થવાની હતી, પરંતુ કોવિડને કારણે ફિલ્મની રિલીઝ મોકૂફ રાખવામાં આવી હતી. આ ફિલ્મ આખરે 5 નવેમ્બરે સિનેમાઘરોમાં રિલીઝ થઈ રહી છે. રોહિત શેટ્ટી આ ફિલ્મને જોરદાર રીતે રિલીઝ કરી રહ્યા છે. આ ફિલ્મ પાંચ હજારથી વધુ સ્ક્રીન પર રિલીઝ થઈ રહી છે. રોહિત શેટ્ટી દ્વારા નિર્દેશિત આ ફિલ્મમાં અક્ષય કુમાર અને કેટરીના કૈફ મુખ્ય ભૂમિકામાં છે. ફિલ્મમાં ગુલશર ગ્રોવર પણ છે. બીજી તરફ ફિલ્મમાં રણવીર સિંહ અને અજય દેવગનના કેમિયો છે.
Click it and Unblock the Notifications
Sign in with Google
