ફિલ્મના સેટ પર યામી ગૌતમનો એક્સિડન્ટ થતા પગમાં ઇજા

હૈદરાબાદ, 16 સપ્ટેમ્બર : બૉલિવૂડની હિટ ફિલ્મ વિકી ડોનર ફેમ અભિનેત્રી યામી ગૌતમને એક ફિલ્મના સેટ પર શૂટિંગ દરમિયાન અકસ્માત નડ્યો હતો. અકસ્માતને કારણે તેના પગમાં ઇજા થઇ હતી. આ અકસ્માત હૈદરાબાદમાં એક તમિલ મૂવીના ગીતનું શૂટિંગ કરતા સમયે બાઇક સીન દરમિયાન થયો હતો. અકસ્માતમાં તેના પગને ઇજા પહોંચી હતી.

પીટીઆઇના રિપોર્ટ અનુસાર, અકસ્માત થતા ફિલ્મ સેટ પરના તમામ સભ્યો ચિંચિત બન્યા હતા અને તાત્કાલિક ડૉક્ટરને બોલાવવામાં આવ્યા હતા. ફિલ્મનું શૂટિંગ અધુરું હોવાથી યામીએ ડૉક્ટરને જણાવ્યું હતું કે તેને હાઇ ડૉઝની દવા આપવામાં આવે જેથી તે બે કલાકમાં ફરી શૂટિંગ શરૂ કરી શકે.

યામી ગૌતમ અગાઉ ટેલિવિઝન સીરિયલ જેવી કે યે પ્યાર ના હોગા કમ અને ચાંદ કે પાર ચલોમાં આવી ચૂકી છે. તેણે ફિલ્મ વિકી ડોનરમાં અભિનેતા આયુષ્યમાન ખુરાના સાથે કામ કરીને બૉલિવૂડમાં પદાર્પણ કર્યું હતું.