જાણીતા અભિનેત્રી નંદાનું નિધન : સગપણ થયાં, પણ લગ્ન નહીં!

Updated: Tuesday, March 25, 2014, 16:30 [IST]

મુંબઈ, 25 માર્ચ : બૉલીવુડ જગત માટે એક શોકના સમાચાર છે. મંગળવારે સવારે વીતેલા જમાનાના જાણીતા અભિનેત્રી નંદાનું અહીં નિધન થઈ ગયું. તેઓ 75 વર્ષના હતાં અને ઘણા સમયથી બીમાર હતાં. દેવ આનંદ, શશિ કપૂર, રાજેશ ખન્ના તથા અમિતભ બચ્ચન જેવા અભિનેતાઓ સાથે કામ કરનાર નંદાએ બૉલીવુડને અનેક બહેતરીન ફિલ્મો આપી છે.

8મી જાન્યુઆરી, 1939ના રોજ મરાઠી પરિવારમાં જન્મનાર નંદાના પિતા માસ્ટર વિનાયક એક જાણીતા અભિનેતા હતાં. નંદાને અભિનય વારસાગત મળ્યો હતો. જોકે નંદાના માથેથી પિતાનો હાથ બહુ વહેલો ઉઠી ગયો હતો. આર્થિક કારણોસર નંદાએ માત્ર 8 વર્ષની ઉંમરે જ ફિલ્મોમાં આવવુ પડ્યું. નંદાએ હમ દોનોં, તીન દેવિયાં, જબ જબ ફૂલ ખિલે, ઇત્તફાક, પ્રેમ રોગ જેવી યાદગાર ફિલ્મોમાં કામ કર્યું છે.

ચાલો તસવીરો સાથે જાણીએ વધુ વિગતો :

બેબી નંદા કપૂર પરિવારની નજીક

બેબી નંદાના નામે જાણીતા અભિનેત્રી નંદા કપૂર ખાનદાનની બહુ નજીક મનાતા હતાં.

સગપણ થયા, લગ્ન નહીં

નંદા અપરિણીત રહ્યા હતાં. નંદાના સગપણ ફિલ્મ નિર્માતા મનમોહન દેસાઈ સાથે થયા હતાં, પરંતુ સગપણના થોડાક જ દિવસ બાદ મનમોહન સિંહનું બિલ્ડિંગ ઉપરથી પડી જતા આકસ્મિક મોત થઈ ગયુ હતું. તેથી નંદાએ ક્યારેય લગ્ન અંગે વિચાર્યું નહીં.