લવની લવસ્ટોરી બાદ આ ફિલ્મમાં દેખાશે શ્રદ્ધા ડાંગર, શરૂ થશે શૂટિંગ
હેલ્લારો અને લવની લવસ્ટોરી બાદ શ્રદ્ધા ડાંગરની અપકમિંગ ફિલ્મ કઈ હશે તેની ફેન્સમાં ચર્ચા ચાલી રહી છે. ફેન્સને આ સવાલનો જવાબ મળી ગયો છે.
હેલ્લારો અને લવની લવસ્ટોરી બાદ શ્રદ્ધા ડાંગરની અપકમિંગ ફિલ્મ કઈ હશે તેની ફેન્સમાં ચર્ચા ચાલી રહી છે. ફેન્સને આ સવાલનો જવાબ મળી ગયો છે. શ્રદ્ધા ડાંગર હવે દર્શન ત્રિવેદીની ફિલ્મ 'મારા પપ્પા સુપરહીરો’માં જોવા મળશે. આ ફિલ્મનું શૂટિંગ શનિવારથી એટલે કે 15 ફેબ્રુઆરીથી શરૂ થઈ રહ્યુ છે.
આ છે ફિલ્મની સ્ટારકાસ્ટ
‘મારા પપ્પા સુપરહીરો'ને દર્શન ત્રિવેદી ડિરેક્ટ કરી રહ્યા છે. ફિલ્મની કાસ્ટની વાત કરીએ તો શ્રદ્ધા ડાંગરની સાથે લીડ રોલમાં અભિનય બેન્કર જોવા મળશે. આ પહેલા અભિનય બેન્કર કેવી રીતે જઈશ, મિજાજ, રેવા અને ધંત્યા ઓપન જેવી ફિલ્મોમાં દેખાઈ ચૂક્યા છે. આ ફિલ્મમાં ફિલ્મમાં અભિનય બેન્કર અને શ્રદ્ધા ડાંગર પતિ-પત્નીના રોલમાં અને ભવ્યા શિરોહી તેમની પુત્રીના રોલમાં જોવા મળશે. સાથે જ ક્યુટ કલાકાર ભવ્યા શિરોહી, રેવંતા સારાભાઈ, પ્રિયા સારાભાઈ, ભરત ઠક્કર, ભૂષણ ભટ્ટ જેવા કલાકારો પણ આ ફિલ્મમાં જોવા મળશે.
શું છે ફિલ્મની વાર્તા ?
ફિલ્મના ડિરેક્ટર ડૉ.દર્શન અશ્વિન ત્રિવેદી કહે છે કે,' 'મારા પપ્પા સુપરહીરો'એક ઈમોશનલ વાર્તા છે. જેમાં પિતા પુત્રીના સંબંધોની વાત છે, જેનો મહત્વનો ભાગ તેની માતા પણ છે. આ ફિલ્મમાં એક બાળકીના ઈમોશન્સ મોમેન્ટ્સ સુંદરતાથી જોવા મળશે. ફિલ્મના રાઈ ટર રામ મોરીનું પણ કહેવું છે કે આ ફિલ્મ થોડી ખાસ છે. ફિલ્મમાં અમદાવાદની અંદરનું એક નવું અમદાવાદ જોવા મળશે.
લેખક - ડિરેક્ટરની આ બીજી ફિલ્મ
ઉલ્લેખનીય છે કે ફિલ્મની સ્ટોરી, સ્ક્રીનપ્લે અને ડાઈલોગ્સ જાણીતા લેખક રામ મોરીએ લખ્યા છે. રામ મોરીએ ‘મોન્ટુની બિટ્ટુ'થી ડેબ્યુ કર્યો હતો. આ ફિલ્મને શાનદાર પ્રતિસાદ મળ્યો હતો, ત્યારે આ ફિલ્મને લઈને પણ ફેન્સ ઉત્સાહિત છે. તો ડિરેક્ટર ડૉ. દર્શન અશ્વિન ત્રિવેદી આ પહેલા ‘મૃગતૃષ્ણા' નામની ફિલ્મ પણ બનાવી ચૂક્યા છે, જે આ વર્ષે જ રિલીઝ થવાની છે.
આ પણ વાંચોઃ જાણીતા ફેશન ડિઝાઈનર વેંડેલ રૉડ્રિક્સનુ નિધન, દીપિકા માટે ડિઝાઈન કર્યા હતા કપડા