કાન્સ ફિલ્મ ફેસ્ટિવલમાં રેડ કાર્પેટ પર જ લોહીથી લથબથ થઈ ગઈ મોડેલ, જાણો શું છે પુરી ઘટના?
દુનિયાભરમાં હાલ કાન્સ ફિલ્મ ફેસ્ટિવલની ધમાલ ચાલી રહી છે. કાન્સમાં દુનિયાભરની હસીનાઓ ખૂબસૂરતીનો જાદુ ફેલાવી રહી છે. આ તમામ ઘટનાઓ વચ્ચે રેડ કાર્પેટ પર એક મોડેલ લોહીથી લથબથ જોવા મળી હતી.
સમાચારો અનુસાર, રેડ કાર્પેટ પર એક મોડેલ યુક્રેન યુદ્ધને લઈને રશિયાનો વિરોધ કરતી જોવા મળી હતી. આ મોડેલ રેડ કાર્પેટ પર પહોંચી હતી અને બનાવટી લોહીના ફુગ્ગા ફોડીને લોહીથી લથબથ થઈ ગઈ હતી.
ફ્રેન્ચ ફિલ્મ ડાયરેક્ટર જસ્ટ ફિલિપોડની ફિલ્મ એસાઇડના સ્ક્રિનિંગ દરમિયાન પેલેસ ડેસ ફેસ્ટિવલની સીડીઓ પર આ લોહીલુહાણ મહિલાનો વીડિયો હવે સોશિયલ મીડિયા પર વાયરલ થઈ રહ્યો છે.
આ મહિલા યુક્રેનનો રાષ્ટ્ર ધ્વજ પહેરીને ફિલ્મ ફેસ્ટિવલમાં પહોંચી હતી અને મીડિયાના કેમેરા સામે જ તે ઇવેન્ટમાં પ્રવેશી હતી. યુક્રેન યુદ્ધને લઈને રશિયાનો આ અનોખો વિરોધ વાયરલ થઈ રહ્યો છે.
વાયરલ વીડિયોમાં આ મહિલા કેમેરા તરફ આવીને સ્માઈલ કરતી જોવા મળી રહી છે. ત્યારબાદ તે સીડીઓ ઉપર ઉભી રહે છે અને નકલી લોહી કાઢીને પોતાની ઉપર રેડે છે અને લથબથ થઈ જાય છે. આ દ સુરક્ષાકર્મીઓ તેને ત્યાંથી લઈ જાય છે.
At the Cannes Film Festival, a brave young lady dressed in the colors of Ukraine doused herself in fake blood. She did it on the red carpet before the screening of the Russian film "Acid". The security service quickly ran up to her and rushed her away. 🇺🇦💙💛… pic.twitter.com/rqx2CNlJ0N
— Snodgrass (@Snodgrass9876) May 22, 2023
અહેવાલો અનુસાર, કાન્સ ફિલ્મ ફેસ્ટિવલના નિર્દેશક થિયરી ફ્રેમોક્સે ગયા અઠવાડિયે ઇવેન્ટ પહેલાં કહ્યું હતું કે આ ઇવેન્ટ યુક્રેનના સપોર્ટમાં છે.
અહીં તમને એ પણ જણાવી દઈએ કે, ફેસ્ટિવલના ઉદઘાટનમાં ફ્રેન્ચ અભિનેત્રી કેથરીન ડેન્યુવે યુક્રેનિયન કવિ લેસિયાની કવિતા હોપનું પઠન કરીને યુદ્ધના પીડિતોને શ્રદ્ધાંજલિ આપી હતી.
ધ ટેલિગ્રાફના અહેવાલ મુજબ, ગયા વર્ષે રશિયન સરકાર સાથે સંકળાયેલી રશિયન પ્રતિનિધિમંડળ અથવા ફિલ્મ કંપનીઓ પર પ્રતિબંધ લાગુ થયા પછી રશિયનોને આ વર્ષે ઇવેન્ટમાં હાજરી આપવાની મંજૂરી નથી આપવામાં આવી.
Click it and Unblock the Notifications
Sign in with Google
