માઇલી સાયરસ પ્રભાવશાળી હસ્તી નથી : સર્વે

Published: Tuesday, November 26, 2013, 14:59 [IST]

લૉસ એંજલ્સ, 26 નવેમ્બર : હૉલીવુડ ગાયિકા માઇલી સાયરસ અને ભૂતપૂર્વ બાસ્કેટબૉલ ખેલાડી ડેનિસ રોડમૅન વર્ષ 2013ની સૌથી ઓછી પ્રભાવશાળી હસ્તીઓ તરીકે નૉમિનેટ કરાયાં છે. જીક્યૂ મૅગેઝીન દ્વારા કરવામાં આવેલ એક સર્વેમાં આ બંને પ્રભાવશાળી હસ્તીઓની યાદીમાં સૌથી નીચે રહ્યાં છે.

ફીમેલફર્સ્ટ.કો.યૂકે વેબસાઇટના જણાવ્યા મુજબ અમેરિકી મૅગેઝીનના તંત્રીઓએ એવી 25 જાણીતી હસ્તીઓ અને સિતારાઓની યાદી તૈયાર કરી કે જેમના અંગે તેમનું માનવું છે કે સામાન્ય લોકો તેમનાથી પ્રભાવિત નથી. આ યાદીમાં રોડમૅનનું નામ સૌથી ઉપર છે કે જેઓ એક વખતે ઉત્તર કોરિયન નેતા કિમ જોંગ સાથેની પોતાની મૈત્રીના કારણે વિવાદોમાં હતાં.

દરમિયાન ગાયિકા માઇલી સારયસ આ યાદીમાં છઠા સ્થાને છે. થોડાક સમય અગાઉ એક સમારંભમાં ઉત્તેજક તેમજ ભડકાઉ પરફૉર્મન્સ આપવા બદલ સાયરસ વિવાદોમાં સપડાયા હતાં. સૌથી ઓછા પ્રભાવશાળી લોકોની યાદીમાં અભિનેતા વિલ સ્મિથ તથા તેમનો પરિવાર, ગાયક જસ્ટિન બીબર અને અભિનેતા રેયાન રેનૉલ્ડ્સનો પણ સમાવેશ થાય છે.

Published On November 26, 2013