કોણ છે જસ્ટિન બીબરની પત્ની હેલી, જેના માટે તે સેલેના સાથે દગો કરી ચુક્યો છે!

જસ્ટિન બીબરની પત્ની હેલી બીબરની પોતાની એક અલગ ઓળખ છે. હેલી લોકોમાં એક મજબૂત મહિલા તરીકે ઉભરી આવી છે જે તેના પતિના દુઃખમાં સંપૂર્ણ સાથ આપે છે. ચાલો તમને જણાવીએ કે હેલી બીબર કોણ છે?

જસ્ટિને હેલી સાથે ખાનગીમાં લગ્ન કર્યા હતા

તમને જણાવી દઈએ કે પોપ સિંગર જસ્ટિન અને હેલીના પહેલા લગ્ન ખૂબ જ ખાનગી હતા. તેમની પ્રથમ વર્ષગાંઠ પર દંપતીએ ફરીથી લગ્ન કર્યા, જેમાં લગભગ 150 લોકોએ હાજરી આપી.

લગ્ન બાદ નામ બદલ્યુ

લગ્ન પહેલા હેલીનું પૂરું નામ હેલી રોડ બાલ્ડવિન હતું. જસ્ટિન સાથે લગ્ન કર્યા પછી તેણે લગ્નના રિવાજને સંપૂર્ણપણે અનુસરીને પોતાનું નામ હેલી રોડ બીબર રાખ્યું.

હેલીનો જન્મ એરિઝોનામાં થયો છે

હેલી એક પ્રસિદ્ધ અમેરિકન મોડલ અને સોશિયલ મીડિયા સેલિબ્રિટી તેમજ સોશ્યલાઇટ છે. હેલીનો જન્મ બાલ્ડવિન પરિવારમાં નવેમ્બર 22, 1996ના રોજ એરિઝોના, યુએસમાં થયો હતો.

હેલી બેલે ડાન્સર બનવા માંગતી હતી

હેલી શરૂઆતથી જ બેલે ડાન્સર બનવા માંગતી હતી. આ માટે તેણે પ્રોફેશનલ ટ્રેનિંગ પણ લીધી હતી, પરંતુ એક અકસ્માત બાદ તેની એડીમાં ઈજા થઈ અને આ સપનું તૂટી ગયું. અકસ્માત પહેલા હેલીએ મિયામીના બેલે ડાન્સ કાર્યક્રમમાં પરફોર્મ કર્યું હતું.

હેલી આર્ટિસ્ટ પરિવારમાંથી આવે છે

એક કલાકાર પરિવારમાં જન્મેલી હેલી પહેલાથી જ જાણતી હતી કે તેણે ફિલ્મ અને મીડિયામાં કારકિર્દી બનાવવી છે. બેલે ડાન્સર ન બની શકવા છતાં પણ હેલીએ તેના સપનાની ઉડાન રોકી ન હતી.

હેલી ઘણી એડમાં દેખાઈ છે

ત્યારબાદ હેલીએ મોડલિંગ અને ટીવી એક્ટિંગને પોતાનું કરિયર બનાવ્યું. હેઇલીએ રાલ્ફ લોરેન, ગેસ, ટોમી હિલફિગર જેવી ઘણી મોટી બ્રાન્ડ માટે એડ શૂટ કરી છે. હેલીએ ફોર્ડ મોડલ્સ માટે પહેલું એડ શૂટ કર્યું હતું. તે ઘણા મેગેઝીન કવર પર પણ જોવા મળી છે.

હેલી મ્યુઝિક વીડિયોમાં જોવા મળી છે

મોડલિંગની સાથે હેલીએ ઘણા ટીવી શો પણ કર્યા છે. હેલીએ 9 વર્ષની ઉંમરે ટીવી એક્ટર તરીકે ડેબ્યુ કર્યું હતું. ઘણા ટીવી શો હોસ્ટ કરવા ઉપરાંત હેલી મ્યુઝિક વીડિયોમાં પણ જોવા મળી છે.

હેલી 2011માં ઓન માય માઇન્ડ ગીતમાં જોવા મળી હતી

હેલી જસ્ટિન બીબર, એરિયાના ગ્રાન્ડે, ડીજે ખાલેદ, ડ્રેક સાથે ઘણા ગીતોમાં જોવા મળી છે. હેલી પ્રથમ વખત કોડી સિમ્પસન સાથે 2011માં ઓન માય માઇન્ડ ગીતમાં જોવા મળી હતી.

હેલીનું નામ સિંગર શોન મેન્ડિસ સાથે જોડાઈ ચૂક્યું છે

જસ્ટિન બીબર પહેલા હેલીનું નામ સિંગર શોન મેન્ડિસ સાથે જોડાઈ ચૂક્યું છે. ભૂતપૂર્વ યુગલે 2018 મેટ ગાલાના રેડ કાર્પેટ પર એકસાથે પ્રવેશ કર્યો હતો. જસ્ટિન બીબરનું નામ અગાઉ સેલેના ગોમેઝ સાથે પણ જોડાયું હતું

હેલી બીબર યુટ્યુબર પણ છે

હેલી બીબર યુટ્યુબર પણ છે. યુટ્યુબ પર તેના દોઢ મિલિયન ફોલોઅર્સ છે. જ્યાં હેલી દરેકને સ્ટાઇલ ટિપ્સ આપતી જોવા મળે છે.

English summary

Who is Justin Bieber's wife Haley, for whom he has betrayed Selena!