બાલિકા વધુના 1500 એપિસોડ : કલાકારોએ કરી શાનદાર ઉજવણી

Updated: Monday, February 24, 2014, 18:18 [IST]

મુંબઈ, 24 ફેબ્રુઆરી : કલર્સના જાણીતા ડેલી સોપ બાલિકા વધુની વય 1500 એપિસોડ થઈ ગઈ છે. વર્ષ 2008માં કલર્સ પર શરૂ થયેલ બાલિકા વધુ શોએ 1500 એપિસોડ પૂર્ણ કરતાં શાનદાર ઉજવણી કરવામાં આવી. આ ઉજવણી પ્રસંગે સીરિયલમાં લીડ રોલ કરી રહેલાં તોરલ રાસપુત્રા (આનંદી), સિદ્ધાર્થ શુક્લા (શિવરાજ શેખર ઉર્ફે શિવ), સશાંક વ્યાસ (જગદીશ ઉર્ફે જગ્યા) તથા સુરેખા સિકરી (કલ્યાણી દેવી) સહિતના કલાકારો હાજર રહ્યા હતાં.

બાલિકા વધુ નાના પડદાની લોકપ્રિયતા ધરાવતી મહત્વની સીરિયલોમાંની એક છે. તેનો પ્રારંભ 2008માં થયો, ત્યારે સીરિયલની મુખ્ય પાત્ર આનંદી તરીકે અવિકા ગોર હતી. જોકે પછી તેમાં 10 વર્ષનો જમ્પ કરાવવામાં આવ્યો અને આનંદીનો રોલ પ્રત્યુષા બૅનર્જીના હાથે આવ્યો. જોકે પછી પ્રત્યુષાએ પણ આ સીરિયલ છોડી દીધી અને હાલ તોરલ રાસપુત્રા આનંદી તરીકેનો રોલ ભજવી રહ્યાં છે.

આ પ્રસંગે સિદ્ધાર્થ શુક્લાએ જણાવ્યું - હું બાલિકા વધુ વડે મળેલી ઓળખ બદલ સીરિયલનો સાચે જ ખૂબ આભારી છું. તેના કારણે જ લોકો મને જાણે અને પસંદ કરે છે. બાલિકા વધુ મારી સાથે બનેલી સર્વશ્રેષ્ઠ બાબત છે. ઉજવણીમાં ગહેનાનો અગાઉ રોલ કરી ચુકેલા નેહા મરડા પણ હાજર હતાં. હાલમાં ગહેનાનો રોલ નિવેદિતા કોહલી ભજવી રહ્યાં છે.

ચાલો જોઇએ બાલિકા વધુ@1500ની શાનદાર ઉજવણીની તસવીરો :