બિગ બૉસ : અને રડી પડ્યાં મિંક બરાર
મુંબઈ, 7 નવેમ્બર : બિગ બૉસના પ્રતિસ્પર્ધીઓને આ વખતે સૈન્યના જવાનોનો ટાસ્ક અપાયો છે. આ ટાસ્કમાં નવજ્યોતસિંહ સિદ્ધૂને સરદાર એટલે કે કૅપ્ટન તથા બાકીના સભ્યોને જવાન બનાવાયાં. સિદ્ધૂએ તમામ સભ્યોને ટાસ્ક હેઠળ ક્યારેક કુશ્તી, તો ક્યારેક માર્ચપાસ્ટનું કામ સોંપ્યું. બિગ બૉસના આ વખતના ટાસ્ક દરમિયાન અનેક પ્રતિસ્પર્ધીઓએ હૅલ્થ સાથે જોડાયેલી મુશ્કેલીઓનો સામનો કરવો પડ્યો. સૌએ સવારે વહેલા ઉઠવું અને પછી માર્ચપાસ્ટ કરવી. સાથે જ આખી રાત જાગી ઘરનો પહેરો કરવું. આમ તમામ કાર્યો કરતાં પ્રતિસ્પર્ધીઓની વાટ લાગેલી છે.
મિંક બરાર કે જે બિગ બૉસ 6ના ઘરમાં મનોરંજનનો ડોઝ વધારવા માટે પહોંચ્યાં છે તેમણે દરેક ટાસ્કમાં પોતાને લાઇમલાઇટમાં રાખવાની કોશિશ કરી. આ કોશિશ કરતાં-કરતાં મિંક બરાર એક વાર તો રડી જ પડ્યાં. રાજીવ પૉલ અને મિંક વચ્ચે થોડીક બહેસ થઈ ગઈ અને તે બહેસ દરમિયાન રાજીવની વાતોથી મિંકને ખૂબ ખોટું લાગ્યું. રાજીવ દ્વારા વારંવાર એમ પૂછાતાં કે બહાર લોકો તેમના વિશે શું વિચારે છે, મિંકે જ્યારે તેમને જણાવ્યું કે બહાર લોકો તેમને લડાકૂ કહે છે, પરંતુ રાજીવ દ્વારા કેટલીક હર્ટ કરતી વાતો સાંભળી મિંકની આંખોમાં આંસુ આવી ગયાં.
બાદમાં બ્રજેશને લઈને પણ ઘણી બબાલ થઈ. આશનાએ બ્રજેશને લઈને ઘણો રોષ વ્યક્ત કર્યો અને બ્રજેશ દ્વારા આશના સાથે રૂડલી વાત કરાતાં ઘરના લોકો પણ ખૂબ ગુસ્સે થઈ ગયાં. જોકે બાદમાં ઘરના સભ્યો વચ્ચે બધુ સમસુથરું થઈ ગયું અને સૌએ ટાસ્ક દરમિયાન ખૂબ એન્જૉય કર્યું. ટાસ્ક દરમિયાન રાજીવ અને ડેલનાઝ વચ્ચે પણ ઘણી સારી બૉડિંગ થતી દેખાઈ.