બિગ બૉસ : સોફિયાએ અરમાન વિરુદ્ધ પોલીસ કેસ કર્યો

Updated: Thursday, December 12, 2013, 13:22 [IST]

લોનાવાલા, 12 ડિસેમ્બર : બિગ બૉસ 7 દરમિયાન ઘરની અંદર અનેક ઝગડા થયાં, ગાળો અપાઈ, સ્પર્ધકોએ ઘરની દિવાળ કૂદવાની કોશિશ સુદ્ધા કરી, પણ આ વાતો ઘરની અંદર જ રહી અને સાથે જ ઘરના સભ્યો વચ્ચે થોડાક જ દિવસમાં વાત સૅટલ થઈ ગઈ, પણ સોફિયા અને અરમાન વચ્ચેનો ઝગડો માત્ર બિગ બૉસના ઘરની અંદર સુધી જ નહીં, પણ સોફિયા ઘરની બહાર આવતા જ પોલીસ સ્ટેશન સુધી પહોંચી ગયો છે.

સોફિયા હયાતે બહાર આવતાવેત જ પોલીસ સ્ટેશન જઈ અરમાન કોહલી વિરુદ્ધ કેસ નોંધાવ્યો છે. સોફિયાનો આરોપ છે કે અરમાને 4થી ડિસેમ્બરના રોજ ટાસ્ક દરમિયાન તેમની ઉપર હાથ ઉગામ્યો અને તેમને મારવાની કોશિશ કરી. સોફિયા અને અરમાન વચ્ચે 4થી ડિસેમ્બરે બિગ બૉસ દ્વારા કૅપ્ટન બનવા માટે અપાયેલ ટાસ્ક દરમિયાન ઝગડો થઈ ગયો. આ ઝગડામાં અરમાને સોફિયા સાથે છીના-ઝપટી કરી અને સોફિયાને દંડાથી ધક્કો મારવાની કોશિશ કરી.

સોફિયાના જણાવ્યા મુજબ તે દંડો અરમાને જાણીજોઈને માર્યો અને અહં સુધી કે સોફિયાના ચહેરા પર નિશાન પણ ઉપસી આવ્યો. સોફિયાએ તરત જ બિગ બૉસનું ઘર છોડવાનો નિર્ણય કર્યો, પણ બિગ બૉસ દ્વારા સમજાવાતા સોફિયા માની ગયાં અને તેમણે અરમાનથી દૂર રહેવાનો નિર્ણય કર્યો, પરંતુ તે જ સપ્તાહે એલિમિનેશનના દિવસે સોફિયા હયાત પોતે જ ઘરથી બહાર થઈ ગયાં.

બહાર આવ્યા બાદ સોફિયાએ અરમાન અંગે ઘણુ બધુ કહ્યું અને જણાવ્યું કે તેઓ કેસ નોંધાવશે. સલમાન ખાને સોફિયાને સમજાવી કે તેઓ અમરાન વિરુદ્ધ કેસ ન કરે, કારણ કે તેથી અરમાનના કૅરિયર ઉપર અસર થશે, પણ સોફિયાએ સલમાનની વાત માનવાનો ઇનકાર કરી દીધો. કહે છે કે સલમાન ખાન અરમાનને બહુ પહેલાથી ઓળખે છે અને તેથી તેઓ નથી ઇચ્છતા કે અરમાન કોહલ મુશ્કેલીમાં મુકાય. સોફિયાએ અરમાન વિરુદ્ધ સાંતાક્રૂઝ પોલીસ સ્ટેશને ફરિયાદ નોંધાવી છે, પણ આ ફરિયાદ લોનાવાલ પોલીસ સ્ટેશન ખાતે ટ્રાંસફર કરાવાઈ છે, કારણ કે બિગ બૉસનું સેટ લોનાવાલા ખાતે જ છે.

ચાલો તસવીરોમાં જોઇએ બિગ બૉસમાં અરમાન-સોફિયાના ઝગડાં :