સિદ્ધૂ પર રોષે ભરાયાં બિગ બૉસ, પાણી પુરવઠો બંધ

Updated: Thursday, October 9, 2014, 15:49 [IST]

મુંબઈ, 23 ઑક્ટોબર : બિગ બૉસનું ઘર છે જ એવું કે જ્યાં એકે કરેલી ભૂલની સજા આખા ઘરને ભોગવવી પડે છે. બિગ બૉસની છેલ્લી ઘણી સીઝનમાં આપણે જોયું કે ભૂલ કોઈ પણ કરે, પણ બિગ બૉસ જ્યારે સજા આપે, તો તેઓ આખા ઘરે સહન કરવી પડે છે અને પછી આખા ઘરના સભ્યો મળી ભૂલ કરનાર સભ્યને મેણા-ટોણા મારી ગાંડો કરી નાંખે છે.

આ વખતે બિગ બૉસ 6ના ઘરમાં કઈંક એવું જ બનવાનં છે. બિગ બૉસના ઘરે સભ્યોનું બીજુ અઠવાડિયું છે અને આ અઠવાડિયે નવજ્યોત સિંહ સિદ્ધૂએ કરેલી ભૂલની સજા મળશે આખા ઘરને.

બન્યું એવું કે સોમવારના એપિસોડમાં બિગ બૉસે સભ્યોને એક ટાસ્ક આપ્યું કે જે લક્ઝરી બજેટ માટે હતું. આ ટાસ્ક દરમિયાન બિગ બૉસે અડધા સભ્યોને બાદશાહ બનાવ્યાં તથા અડધાને ગુલામ. બાદશાહોને સમ્પૂર્ણ છુટ હતી કે તેઓ કઈં પણ કરે, ગુલામોને આદેશ કરે અને મન ફાવે ત્યારે તેમની સાથે વાતો કરે, પરંતુ ગુલામોને લિવિંગ એરિયામાં જ સુવાનું કહેવામાં આવ્યું. બદશાહો સાથે વાત કરતાં પહેલાં તેમને મંજૂરી લેવાનું જણાવાયું. ઘરના તમામ સભ્યોએ આ ટાસ્કને ગંભીરતાપૂર્વક લીધું, પરંતુ સિદ્ધૂએ આ ટાસ્ક દરમિયાન કોઈ પણ કામ કર્યું નહિં.

સિદ્ધૂના આવા વલણથી બિગ બૉસ રોષે ભરાયા તથા નારાજ થઈ ગયાં અને આજે તેઓ સિદ્ધૂની આ ભૂલની સજા તમામ સભ્યોને આપતાં ઘરની પાણી પુરવઠો બંધ કરી દેશે. હવે સિદ્ધૂના કારણે વગર પાણીએ રહેતાં સભ્યો ઉપર શું વીતી રહી છે તે આજ રાતના એપિસોડમાં આપ જોઈ શકશો. આજ સુી જે સિદ્ધૂને ઘરવાળા સૌથી બહેતર સમજતા હતાં, આજે તે જ સિદ્ધૂ ઘરના લોકો માટે કોઈક વિલન કરતાં ઓછા નથી. હવે જોવું એ છે કે ઘરના સભ્યોની નારાજગીની સિદ્ધૂ ઉપર શી અસર પડે છે અને શું સિદ્ધૂ આ મુશ્કેલીનો કોઈ ઉકેલ શોધી શકશે કે કેમ?