યે હૈ મોહબ્બતેં દ્વારા ફરી છવાશે એકતાનો જાદૂ!
મુંબઈ, 22 નવેમ્બર : ટેલીવિઝન મહારાણી એકતા કપૂરે સ્ટાર પ્લસ સાથે પુનઃ જોડાણ કર્યું છે અને તેઓ બાલાજી ટેલીફિલ્મ્સના બૅનર હેઠળ યે હૈ મોહબ્બતેં લઈને આવી રહ્યાં છે. તેમને આશા છે કે યે હૈ મોહબ્બતેં પુનઃ તેવો જ જાદૂ પ્રસારવશે કે જેવો તેમના અગાઉના શો પ્રસરાવી ચુક્યા છે. આ સીરિયલમાં ટેલીવિઝન સ્ટાર્સ દિવ્યંકા ત્રિપાઠી તેમજ કરણ પટેલ લીડ રોલ કરી રહ્યાં છે.
એકતાએ એક નિવેદનમાં જણાવ્યું - મારૂં સ્ટાર સાથેનું પુનઃ જોડાણ દૂરગામી રહેશે. અમે બંનેએ મળી અનેક સફળતાઓ ઉજવી છે. મને આશા છે કે મારી જૂની સીરિયલના પાત્રોની જેમ યે હૈ મોહબ્બતેંના પાત્રો ઇશિતા તેમજ રમન પણ લોકપ્રિય થશે. એકતા કપૂર સ્ટાર પ્લસ ઉપર ક્યોંકિ સાસ ભી કભી બહૂ થી અને કહાની ઘર ઘર કી જેવી સફળ શ્રેણીઓ રજૂ કરી ચુક્યાં છે.
યે હૈ મોહબ્બતેં એક દિલ્હીના બે પાડોશીઓ અય્યર્સ તેમજ ભલ્લાસની શહેરી વાર્તા છે. બંને પરિવારો વચ્ચે સંઘર્ષમય પરિસ્થિતિઓ હોય છે અને તે જ દરમિયાન અય્યર્સની ડેંટિસ્ટ પુત્રી ઇશિતા તેમજ ભલ્લાસના બિઝનેસમૅન પુત્ર રમન એક-બીજા પ્ર્યે આકર્ષાય છે. આ શો 3જી ડિસેમ્બરથી શરૂ થાય છે. સીરિયલમાં નીના કુલકર્ણી, અભય ભાર્ગવ, કૌશલ કપૂર, શહેનાઝ રિઝવાન તથા રુહાનિકા ધવન પણ છે.
સ્ટાર પ્લસના જનરલ મૅનેજર ગૌરવ બૅનર્જીએ જણાવ્યું - અમે એકતા સાથે પુનઃ ભાગીદારી કરી ખુશ છીએ. તેઓ જે સ્ટોરી લઈને આવ્યા છે, તે શહેરી અને સામયિક છે. આ લવ-સ્ટોરી લગ્ન બાદ શરૂ થાય છે. તે જીવનમાં પ્રેમની બીજી તકને દર્શાવે છે. શોમાં એક આધુનિક યુગલ દ્વારા રોજ-રોજ ફેસ કરાતી સમસ્યાઓ પર આધારિત છે. અમને આશા છે કે અમારા શહેરી દર્શકો ઇશિતા અને રમન સાથે જોડાશે અને તેમની લવ-સ્ટોરીને ફૉલો કરશે.
Click it and Unblock the Notifications
Sign in with Google
