'બાળપણમાં મને અયોગ્ય રીતે સ્પર્શવામાં આવી...', યૌન ઉત્પીડન પર છલકાઈ કંગના રનૌતની પીડા

મુંબઈઃ રિયાલિટી શો લૉક અપ હવે ફિનાલેની નજીક આવી ગયો છે. લૉક અપના રવિવાર(24 એપ્રિલ)ના એપિસોડમાં હોસ્ટ કંગના રનોતે જણાવ્યુ કે એક બાળક તરીકે તેને પણ યૌન ઉત્પીડનનો સામનો કરવો પડ્યો છે. કંગનાએ પોતાના બાળપણના દિવસોને યાદ કરીને કહ્યુ કે તેને બાળપણમાં ખોટી રીતે સ્પર્શવામાં આવી હતી. શોના કન્ટેસ્ટન્ટ મુનવ્વર ફારુકી દ્વારા એક ટાસ્ક દરમિયાન શોમાં આવો જ અનુભવ શેર કર્યા બાદ કંગનાએ પોતાના વિશે આ વાત જણાવી.

'હું 6 વર્ષનો હતો, ઘણા વર્ષો સુધી મારુ યૌન ઉત્પીડન થયુ...'

શોની કન્ટેસ્ટન્ટ સાયશા શિંદેને એક પ્રતિયોગીને તેને બચાવવા માટે પોતાની સિક્રેટ શેર કરવા માટે મનાવવાની હતી. આ વાત માટે મુનવ્વર ફારુકી તૈયાર થઈ ગયો. સાયશા શિંદેને બચાવવા માટે મુનવ્વર ફારુકીએ પોતાની સિક્રેટ શેર કરી અને યૌન ઉત્પીડન વિશે જણાવ્યુ. મુનવ્વર ફારુકીએ કહ્યુ, 'હું 6 વર્ષનો હતો અને ઘણા વર્ષો સુધી મારુ યૌન ઉત્પીડન કરવામાં આવ્યુ. જ્યાં સુધી 11 વર્ષનો ન થયો ત્યાં સુધી મારુ યૌન ઉત્પીડન કરવામાં આવ્યુ હતુ.'

'મારા સંબંધીઓએ જ મારી સાથે...'

મુનવ્વર ફારૂકીએ આગળ કહ્યુ, 'આમ કરનારુ બીજુ કોઈ નહિ, એ મારા સંબંધી હતા. આ 4-5 વર્ષ સુધી ચાલુ રહ્યુ. મને એ વખતે સમજમાં ન આવ્યુ. આ નજીકનો પરિવાર હતો. આ 3-4 વર્ષ સુધી ચાલ્યુ અને એક વાર ચરમ પર પહોંચી ગયુ અને પછી મને અહેસાસ થયો કે તેમણે આ રોકવુ જોઈએ.'

'મારા પિતાજી આના માટે મારા પર ગુસ્સે થયા..'

મુનવ્વર ફારુકીએ આગળ કહ્યુ, 'મે આ ક્યારેય કોઈની સાથે શેર નથી કર્યુ કારણકે મારે તેમનો સામનો કરવો પડે છે અને તેમણે પરિવારનો પણ સામનો કરવો પડે છે. મને એક વાર લાગ્યુ કે મારા પિતાજીને આના વિશે ખબર પડી ગઈ છે પરંતુ તે મારા પર ગુસ્સે થયા. કદાચ તેમને પણ આવુ જ લાગ્યુ. જેવુ કે મે કર્યુ, કે આ કંઈક એવુ નથી જે ખુલ્લામાં સામે આવે.'

મુનવ્વરની વાત સાંભળીને કંગનાની પણ છલકાઈ પીડા

પોતાના અનુભવને શેર કરવા માટે મુનવ્વરની પ્રશંસા કરીને કંગનાએ કહ્યુ, 'દર વર્ષે આટાલ બધા બાળકો આમાંથી પસાર થાય છે પરંતુ આપણે સાર્વજનિક પ્લેટફૉર્મ પર આના વિશે વાત કરવાનુ ટાળીએ છીએ. આપણે સહુ આમાંથી પસાર થઈએ છીએ, આપણને સહુને કોઈને કોઈ બિંદુ પર અયોગ્ય રીતે સ્પર્શવામાં આવ્યા છે. મે સામનો કર્યો છે. હું એક બાળકી હતી અને અમારા શહેરનો એક નાના છોકરાએ મને ખોટી રીતે સ્પર્શી હતી. એ વખતે, મને ખબર નહોતી કે આનો શું અર્થ છે, ભલે તમારો પરિવાર ગમે તેટલો સુરક્ષાત્મક કેમ ના હોય, બધા બાળકો આમાંથી પસાર થાય છે.'

'તમને દોષી ગણાવાય છે...'

કંગનાએ આગળ કહ્યુ, 'બીજો એક પોઈન્ટ એ છે કે તમને આના માટે દોષી ગણાવાય છે. આ આપણા સમાજમાં બાળકો માટે એક બહુ મોટુ સંકટ છે. તેમને સારા અને ખરાબ સ્પર્શ વચ્ચેનુ અંતર બતાવવા માટે પૂરતુ ના હોઈ શકે. આ એટલુ મોટુ સંકટ બની જાય છે. બાળકો જીવનભર માટે માનસિક રીતે પીડિત અને જખ્મી થાય છે. તેમને જીવનમાં આવી અંતહીન મુશ્કેલીઓનો સામનો કરવો પડે છે.'

'એ છોકરો મારાથી 3-4 વર્ષ મોટો હતો..'

કંગનાએ કહ્યુ, 'એ છોકરો મારાથી ત્રણથી ચાર વર્ષ મોટો હતો, કદાચ એ પોતાની કામુકતા શોધી રહ્યો હતો. એ અમને ફોન કરતો, અમને બધાને કપડા ઉતારવા અને તપાસવા માટે કહેતો. અમને એ વખતે ખબર નહોતી પડતી કે છેવટે આ શું થઈ રહ્યુ છે. આની પાછળ એક બહુ મોટુ કલંક છે, ખાસ કરીને પુરુષો માટે. મુનવ્વર, તમે પોતાના અનુભવો શેર કરવા માટે આ મંચ પસંદ કર્યુ. તમે ખૂબ બહાદૂર છો.'

English summary

Lock Upp: Kangana Ranaut on child abuse reveals she was inappropriately touched as a child