મધુબાલા લગાવશે છલાંગ, આરકે થશે બહાર!

Published: Thursday, January 23, 2014, 16:21 [IST]

મુંબઈ, 23 જાન્યુઆરી : લોકપ્રિય ટેલીવિઝન સીરિયલ મધુબાલા એક ઇશ્ક એક જુનૂન આવતા મહીને પોતાની વાર્તામાં એક છલાંગ લગાવશે. તેમાં સુપરસ્ટાર ઋષભ કુંદ્રા ઉર્ફે આરકેની ભૂમિકા ભજવનાર વિવિયન ડીસેના સીરિયલમાંથી બહાર થઈ જશે અને સીરિયલમાં નવા કલાકારોની એન્ટ્રી થશે.

કલર્સ ચૅનલના પ્રવક્તાએ એક નિવેદનમાં જણાવ્યું - ફેબ્રુઆરીમાં મધુબાલા એક ઇશ્ક એક જુનૂનની વાર્તા છલાંગ લગાવશે. આ છલાંગ એક સ્વાભાવિક પ્રગતિ છે કે જે સીરિયલને પ્રેમ કરનાર દર્શકો સમક્ષ નવી વાર્તા અને પરિપ્રેક્ષ્ય રજૂ કરશે. ચૅનલે વિવિયન ડીસેના દ્વારા શો છોડવા અંગે કંઈ નથી કહ્યું, પણ અભિનેતા વિવિયને પોતે જ ટ્વિટર ઉપર ખુલાસો કર્યો છે કે તેઓ આ સીરિયલ છોડી રહ્યાં છે.

વિવિયને બુધવારે ટ્વીટ કર્યું - તમે લોકોએ જે સમાચાર સાંભળ્યા, તે દુર્ભાગ્યે સો ટકા સાચા છે. મધુબાલાની વાર્તા છલાંગ લગાવવા જઈ રહી છે અને આ છલાંગ બાદ હું તેનો ભાગ નહીં હોઇશ. નોંધનીય છે કે આ સીરિયલ 2012માં કલર્સ ઉપર શરૂ થઈ હતી કે જેમાં મધુબાલાની ભૂમિકા દૃષ્ટિ ધામી કરી રહ્યાં છે.

Published On January 23, 2014