‘યે રિશ્તા’ જ રહેશે મારો પ્રથમ પ્રેમ : હિના
મુંબઈ, 23 જુલાઈ : ટેલીવિઝન શ્રેણી યે રિશ્તા ક્યા કહલાતા હૈ 1200 એપિસોડ પૂર્ણ કરી ચુક્યી છે. આ સીરિયલના મુખ્ય અભિનેત્રી હિના ખાન કહે છે કે યે રિશ્તા ક્યા કહલાતા હૈ કાયમ તેમની પ્રથમ પસંદ છે અને તેની સરખામણી તેઓ કોઈની સાથે ન કરી શકે.
હિનાએ સીરિયલના 1200 એપિસોડ પૂર્ણ થવા અંગેની ઉજવણી દરમિયાન જણાવ્યું - મારી પાસે ઘણી બધી બીજી તકો હતી, પરંતુ તે તકો અંગે મને લાગતુ હતું કે આનાથી સારું કંઇ જ ન હોઈ શકે, પણ જ્યારે પસંદગીની વાત આવી, તો મેં યે રિશ્તા...ની જ પસંદગી કરી. આ મારી પ્રથમ પસંદગી છે.
જાન્યુઆરી-2009માં સ્ટાર પ્લસ ઉપર શરૂ થયેલ યે રિશ્તા ક્યા કહલાતા હૈ સીરિયલમાં હિના અક્ષરાના રોલમાં છે. સીરિયલનું પ્રસારણ સોમવારથી શનિવાર રાત્રે નવ વાગ્યે થાય છે. તાજેતરમાં જ યોજાયેલ બોરોપ્લસ ગોલ્ડ ઍવૉર્ડ 2013માં આ સીરિયલને 1000 એપિસોડ પૂર્ણ કરવા બદલ પુરસ્કૃત પણ કરાઈ.