Poacher Trailer: આલિયા ભટ્ટની 'પોચર'નુ ટ્રેલર રુંવાડા ઉભા કરી દેશે, હાથીઓ પર અત્યાચારની કહાની
Poacher Trailer Out: બૉલિવુડ અભિનેત્રી આલિયા ભટ્ટ હાલમાં સોશિયલ મીડિયા પર છવાયેલી છે. લોકો તેની આગામી વેબસીરિઝ 'પોચર' જોવા આતુર જણાય છે. આ દરમિયાન, આલિયા ભટ્ટની સિરીઝ 'પોચર'નું ટ્રેલર 15 ફેબ્રુઆરી 2024ના રોજ રિલીઝ કરવામાં આવ્યું છે, જેને લોકો ખૂબ પસંદ કરી રહ્યા છે.
તમને જણાવી દઈએ કે આલિયા ભટ્ટ માત્ર 'પોચર'માં અભિનય કરતી જોવા નહીં મળે પરંતુ તે આ ફિલ્મની નિર્માતા પણ છે. આલિયા ભટ્ટે થોડા દિવસો પહેલા તેનું ટીઝર રિલીઝ કર્યું હતું જેમાં તે ખૂબ જ આશ્ચર્યચકિત અને પરેશાન દેખાતી હતી.
લોકોએ ટીઝરને પણ ખૂબ પસંદ કર્યું. હાલમાં આ વેબસીરિઝનું ટ્રેલર સોશિયલ મીડિયા પર ટ્રેન્ડ કરી રહ્યું છે. એમી એવોર્ડ વિજેતા નિર્માતા રિચી મહેતાની વેબસીરિઝ 'પોચર'નું ટ્રેલર હાલમાં લોકોમાં ચર્ચાનો વિષય છે. આ વેબસીરિઝમાં હાથીદાંતની સૌથી મોટી ગેંગ બતાવવામાં આવી છે.
'પોચર' રિચી મહેતા અને ક્યુસ એન્ટરટેઈનમેન્ટ દ્વારા સંયુક્ત રીતે પ્રોડ્યુસ કરવામાં આવી છે. ફિલ્મનું ટ્રેલર ખૂબ જ આકર્ષક લાગે છે. આલિયા ભટ્ટે OTT પ્લેટફોર્મ પ્રાઇમ વીડિયો ઇન્ડિયા સાથે વેબસીરિઝ 'પોચર'નું ટ્રેલર શેર કર્યું છે. તેના કેપ્શનમાં લખ્યું છે- ભારતના સૌથી મોટા ક્રાઈમ રેકેટની સૌથી મોટી સ્ટોરી 'પોચર', એક નવી, ઓરિજનલ ક્રાઈમ સીરિઝ પ્રાઇમ પર 23મી ફેબ્રુઆરી 2024થી સ્ટ્રીમ થશે.
સત્ય ઘટનાઓ પર આધારિત, 'પોચર'નું આ ટ્રેલર બતાવે છે કે લોકો કેવી રીતે પ્રાણીઓના ગૂંગા હોવાનો ફાયદો ઉઠાવે છે. આ એક અપરાધ આધારિત વેબસીરિઝ છે જેમાં ભારતમાં હાથીદાંતની દાણચોરી બતાવવામાં આવી છે. આ વેબ સીરિઝના ડિરેક્ટર રિચી મેહતા છે. આ સિરીઝમાં આલિયા ભટ્ટ ઉપરાંત નિમિષા સજ્જન, રોશન મેથ્યુ અને દિવ્યેન્દુ ભટ્ટાચાર્ય જેવા કલાકારો પણ છે. હિન્દીની સાથે આ સીરિઝ તમિલ, તેલુગુ, મલયાલમ અને કન્નડ ભાષાઓમાં પણ બતાવવામાં આવશે.
Click it and Unblock the Notifications
Sign in with Google
