Ahmedabad: ફેક બેંક કર્મચારીએ મહિલા સાથે કરી 8 લાખ રૂપિયાની છેતરપિંડી
Ahmedabad: અમદાવાદના નવરંગપુરાની એક મહિલાના બેંક ખાતામાંથી સાયબર ફ્રોડ દ્વારા 7.55 લાખ રૂપિયા ઉપાડી લેવામાં આવ્યા હતા. બેંક કર્મચારી તરીકે ઓળખાવતા, છેતરપિંડી કરનાર વ્યક્તિએ પ્રથમ શંકાસ્પદ વ્યવહાર વિશે ખોટી ચેતવણી બનાવીને જાળ ફેલાવી હતી. જે બાદ તેણે મહિલાના પતિને OTP શેર કરવા માટે દોરી ગયો અને ત્રણ ટ્રાન્ઝેક્શનમાં એકાઉન્ટમાંથી પૈસા કાઢી લીધા હતા.
શનિવારના રોજ સાયબર ક્રાઈમ પોલીસ સાથેની તેની FIRમાં, સુહ્રદ એપાર્ટમેન્ટ્સમાં રહેતી 59 વર્ષીય ફાલ્ગુની શાહે જણાવ્યું હતું કે, 5 ડિસેમ્બરની સાંજે જ્યારે છેતરપિંડી થઈ, ત્યારે તેનો ફોન તેના પતિ સાથે હતો.
પહેલા તેના નંબર પર બેંકની એપ ડાઉનલોડ કરવાની લિંક મોકલવામાં આવી હતી. થોડા સમય પછી, બેંકના કર્મચારી તરીકે એળખાણ આપતા એક વ્યક્તિએ વોટ્સએપ કોલ કર્યો જે કમલેશને મળ્યો હતો. આ વ્યક્તિએ કમલેશને કથિત રીતે જણાવ્યું હતું કે, કોઈ વ્યક્તિ ફાલ્ગુનીના ખાતામાંથી રૂપિયા 4.90 લાખનું શંકાસ્પદ ટ્રાન્ઝેક્શન કરવાનો પ્રયાસ કરી રહ્યું છે અને જો તે ટ્રાન્ઝેક્શન કરતી ન હોય, તો તેને તાત્કાલિક બ્લોક કરી દેવું જોઈએ.
કમલેશને ટ્રાન્ઝેક્શન બ્લૉક કરવામાં મદદ કરવાની ઑફર કરતાં વ્યક્તિએ તેનું આઈડી અને તેના પાસપોર્ટની તસવીર માગી હતી. કમલેશે આ વિગતો પ્રોવાઇડ કર્યા બાદ, સાયબર છેતરપિંડી કરનારે તેને જાણ કરી કે, પ્રક્રિયા શરૂ કરવામાં આવી છે અને કમલેશે પ્રાપ્ત થયેલા OTP શેર કરવા આવશ્યક છે.
કમલેશે તેમની સૂચનાઓનું પાલન કર્યું અને ત્રણ અલગ-અલગ OTP શેર કર્યા હતા. ફોન ડિસ્કનેક્ટ કર્યા પછી, કમલેશને કુલ રૂપિયા 7.55 લાખના ત્રણ ટ્રાન્ઝેક્શનની સૂચના મળી હતી. સિટી સાયબર ક્રાઈમ પોલીસે આઈપીસી હેઠળ ઈન્ફોર્મેશન ટેક્નોલોજી એક્ટના આરોપો સાથે વિશ્વાસભંગ અને છેતરપિંડીની ફરિયાદ નોંધી છે.
Click it and Unblock the Notifications
Sign in with Google
