Ahmedabad News : અમદાવાદમાં 26 ફેબ્રુઆરીએ ભદ્રકાળી માતાજીની ભવ્ય નગરયાત્રા, આ રસ્તાઓ બધ રહેશે

Ahmedabad News : 26 જાન્યુઆરીએ અમદાવાદ શહેર તેનો 614મોં સ્થાપ્ના દિવસની ઉજવણી કરશે. આ દિવસે ભદ્રકાળી માતાજીની ભવ્ય શોભાયાત્રાનું આયોજન કરવામાં આવ્યુ છે.

ભદ્રકાળી માતાજીની શોભાયાત્રામાં વડાપ્રધાન નરેન્દ્ર મોદી અને અમિત શાહ જેવા મોટા નેતાઓની હાજરી જોવા મળી શકે છે. આ હાજરીને પગલે અમદાવાદ પોલીસે કડક સુરક્ષા વ્યવસ્થા ગોઠવી દીધી છે.

બીજી તરફ શહેરમાં ટ્રાફિકને લઈને લોકોને પરેશાની ન થાય તે માટે પહેલા જ જાહેરનામું બહાર પાડી ઘણા રૂટ બંધ હોવાની જાણકારી આપવામાં આવી છે. પોલીસે આ રૂટની જગ્યાએ વૈકલ્પિક રૂટનો ઉપયોગ કરવા લોકોને અપીલ કરી છે.

ભદ્રકાળી માતાજીની ભવ્ય નગરયાત્રા માટેનો રૂટ
શ્રી ભદ્રકાળી માતાજી મંદિર → કારંજ પોલીસ સ્ટેશન → ત્રણ દરવાજા → પાનકોર નાકા → માણેક ચોક → ગોળ ગલી → મ્યુનિસિપલ કોઠા → ગોળલીમડા → ખમાસા ચાર રસ્તા → જગન્નાથ મંદિર → જમાલપુર શાકમાર્કેટ → ફુલ બજાર → રિવરફ્રન્ટ → મહાલક્ષ્મી મંદીર → વિક્ટોરીયા ગાર્ડન → અખાડાનંદ સર્કલ → વસંત ચોક → લાલ દરવાજા → સિદ્દી સૈયદની જાળી → વીજળી ઘર → બહુચર માતા મંદિર → ભદ્રકાળી માતા મંદિર

વૈકલ્પિક માર્ગ
વીજળી ઘર ચાર રસ્તા → પાલીકા બજાર → નહેરુ બ્રિજ → એલિસબ્રિજ → વિક્ટોરીયા ગાર્ડન
ગોળ લીમડા → રાયપુર દરવાજા → એસ.ટી. ચાર રસ્તા → જમાલપુર ચાર રસ્તા
જમાલપુર ચાર રસ્તા → ફુલ બજાર → સરદારબ્રિજ → રીવરફ્રન્ટ
કામા હોટલ → બેકરી સર્કલ → રૂપાલી સિનેમા → નેહરૂબ્રિજ

આ જાહેરનામામાં સરકારી વાહનો, ફાયર બ્રિગેડ, એમ્બ્યુલન્સ અને ઈમરજન્સી સેવાઓ માટેના વાહનોને બાકાત રાખવામાં આવ્યા છે.

નગરયાત્રાની વિશેષતાઓની વાત કરીએ તો 6.25 કિમી આ લાંબી નગરયાત્રામાં 5000થી વધુ લોકો ભાગ લેશે. રથમાં માતાજીની પાદુકાઓ સાથે હાથી, ઢોલ ગ્રુપ, ભજન મંડળીઓ સાથે ભવ્ય શોભાયાત્રા અમદાવાદના રસ્તાઓ પર નીકળશે.

English summary

Ahmedabad to Host Grand Bhadrakali Mataji Yatra on February 26; Traffic Diversions and Route Details Announced