Ahmedabad: દારૂડિયા પતિથી કંટાળી પત્નીએ અમદાવાદના રિવરફ્રન્ટમાં ઝંપલાવ્યું, આ રીતે થયો બચાવ

Ahmedabad: રિવરફ્રન્ટ પર ત્રણ મહિનાના બાળક સાથે આત્મહત્યા કરવા પહોંચેલી 23 વર્ષીય મહિલાને અમદાવાદ શહેર પોલીસ અને અભયમ હેલ્પલાઇનની ટીમે બચાવી લીધી હતી. આ ઘટના અંગે કાઉન્સેલર્સે જણાવ્યું હતું કે, મહિલા ઘરેલુ ઝઘડા બાદ જીવનનો અંત લાવવા માંગતી હતી.

અત્રે નોંધનીય બાબત છે કે, મહિલાએ દાવો કર્યો હતો કે જ્યારે તે ઘર ચલાવવા માટે કામ કરતી હતી, ત્યારે તેનો દારૂડિયા પતિ દારૂ માટે પૈસાની માંગ કરતો હતો.

એક અધિકારીએ જણાવ્યું હતું કે, બાળકીની તબિયત ખરાબ હતી, અને મહિલાએ તેના પતિને ડૉક્ટર પાસે જવા જણાવ્યું હતું કે, આનાથી ઝઘડો થયો જે દરમિયાન પતિએ કથિત રીતે તેમને મરવાનું કહ્યું હતું. મહિલા તેના જીવનનો અંત લાવવા જઈ રહી હતી, પરંતુ એક વટેમાર્ગુ એ તેને જોઇ લીધી હતી, જેણે એલાર્મ વગાડ્યું હતું.

અધિકારીએ વધુમાં જણાવ્યું હતું કે, આ મહિલાએ તેના પતિના ઘરે જવાનો ઇનકાર કર્યા બાદ તેણીને વન-સ્ટોપ સપોર્ટ સેન્ટરમાં મોકલવામાં આવી હતી.

English summary

Ahmedabad: Fed up with drunken husband, wife jumps into riverfront, rescued