Ahmedabad Flower Show 2026: અમદાવાદમાં CM ભૂપેન્દ્ર પટેલે આજથી ફ્લાવર શોનો પ્રારંભ કરાવ્યો
Ahmedabad International Flower Show 2026: નવા વર્ષની રંગેચંગે શરૂઆત સાથે જ અમદાવાદના સાબરમી રિવરફ્રન્ટ ખાતે 14મો આંતરરાષ્ટ્રીય ફ્લાવર શો-2026 આજથી જાહેર જનતા માટે ખુલ્લો મુકવામાં આવ્યો છે. CM ભૂપેન્દ્ર પટેલે આ ભવ્ય મહોત્સવનું ઉદ્ઘાટન કર્યું હતું. આ વર્ષે ફ્લાવર શો માત્ર સુંદરતાનું પ્રતીક નથી, પરંતુ ભારતની ભવ્યતાની ગાથા પણ વર્ણવશે.
'ભારત એક ગાથા' થીમ પર ભવ્ય આયોજન
વર્ષ 2026ના ફ્લાવર શોની થીમ 'ભારત એક ગાથા' રાખવામાં આવી છે. જેમાં ફૂલોના માધ્યમથી ભારતની પૌરાણિક સંસ્કૃતિથી લઈને આધુનિક ભારતની સિદ્ધિઓ જેવી કે ડિજિટલ ઈન્ડિયા, ઇસરો (ISRO) અને સ્પેસ ટેકનોલોજીની સફળતાને જીવંત કરવામાં આવી છે. કુલ 170થી વધુ ફ્લોરલ સ્કલ્પચર્સ (કલાકૃતિઓ) મુલાકાતીઓનું આકર્ષણનું કેન્દ્ર બનશે.
વર્લ્ડ રેકોર્ડ બનાવવાની તૈયારી
આ વર્ષના ફ્લાવર શોમાં બે મોટા વિશ્વ વિક્રમ બનાવવાનો લક્ષ્યાંક રાખવામાં આવ્યો છે.
- સરદાર પટેલનું ફ્લાવર પોટ્રેટ: લોખંડી પુરુષ સરદાર વલ્લભભાઈ પટેલની 150મી જન્મજયંતી નિમિત્તે વિશ્વનું સૌથી મોટું ફ્લાવર પોટ્રેટ તૈયાર કરાયું છે.
- ફ્લાવર મંડળ: 30 મીટરના વ્યાસમાં બનેલું ભવ્ય ફૂલ મંડળ ગિનીસ બુક ઓફ વર્લ્ડ રેકોર્ડ્સ માટે તૈયાર કરવામાં આવ્યું છે.
6 ઝોનમાં વહેંચાયેલું આકર્ષણ
આખા ફ્લાવર શોને વિવિધ 6 ઝોનમાં વિભાજિત કરવામાં આવ્યો છે.
- ઉત્સવોનું ભારત: દિવાળી, હોળી અને ઓણમ જેવા તહેવારોની ઝલક.
- શાશ્વત ભારત: સમુદ્ર મંથન અને ભગવદ ગીતાના પ્રસંગોનું નિરૂપણ.
- નૃત્ય અને કલા: ગરબા, કથકલી અને ભગવાન નટરાજનું વિશાળ સ્ટ્રક્ચર.
- બાળકોનું ઝોન: કાર્ટૂન કેરેક્ટર્સ અને મનોરંજક આકૃતિઓ.
ટિકિટના દર અને સમયની વિગત
અમદાવાદ મ્યુનિસિપલ કોર્પોરેશન (AMC) દ્વારા મુલાકાતીઓ માટે નીચે મુજબની વ્યવસ્થા કરવામાં આવી છે.
કેટેગરી | સમય / દિવસ | ટિકિટ દર (₹)
પુખ્ત વયના (12+ વર્ષ) | સોમવાર થી શુક્રવાર | ₹80
પુખ્ત વયના (12+ વર્ષ) | શનિ-રવિ અને રજાના દિવસો | ₹100
VIP સ્લોટ (ભીડ વગર) | સવારે 8-9 / રાત્રે 10-11 | ₹500
બાળકો (12 વર્ષ સુધી) | દરરોજ | મફત
દિવ્યાંગો અને સૈનિકો | દરરોજ | મફત
નોંધ: ફ્લાવર શો 22 જાન્યુઆરી 2026 સુધી ચાલશે. ટિકિટ રિવરફ્રન્ટ પરથી તેમજ ઓનલાઈન પણ બુક કરાવી શકાય છે.
-
Ahmedabad News: CM ભૂપેન્દ્ર પટેલના હસ્તે ઘાટલોડિયા ખાતે સરકારી ભવનનું ખાતમુહૂર્ત સંપન્ન -
સૂર્યકુમાર યાદવે બુમરાહને રાષ્ટ્રિય ધરોહર ગણાવ્યો -
ટાટાના સાણંદ પ્લાન્ટમાં 50 ટકા ઉત્પાદન ઘટશે, જાણો કેમ? -
Women's Day 2026: 8 માર્ચે જ કેમ ઉજવાય છે આંતરરાષ્ટ્રીય મહિલા દિવસ? જાણો ઈતિહાસ, મહત્વ અને આ વર્ષની થીમ -
ઓમ બિરલા સામે અવિશ્વાસ પ્રસ્તાવ, જાણો સ્પીકરને હટાવવાના નિયમો અને પ્રક્રિયા -
IND vs NZ Final: ભારતે ન્યુઝીલેન્ડને જીતવા માટે આપ્યો 256 રનનો ટાર્ગેટ -
Earthquake: રાજસ્થાનના સીકરમાં ધરા ધ્રુજી, ખાટુશ્યામજી સહિત અનેક વિસ્તારોમાં 3.5ની તીવ્રતાનો ભૂકંપ -
ગુજરાતમાં હાલ પીવાના પાણીનો પુરતો જથ્થો:ગુજરાત સરકાર -
ગુજરાત સરકારનો મોટો નિર્ણય, 6 મહાનગરપાલિકાઓમાં વહીવટદારોની નિમણૂક -
Petrol Diesel Price: 8 માર્ચે બદલાયા પેટ્રોલ-ડીઝલના ભાવ, જાણો તમારા શહેરની લેટેસ્ટ કિંમત -
T20 World Cup : ભારતના ખાતામાં વધુ એક વર્લ્ડ કપ, ન્યુઝીલેન્ડને હરાવીને ચેમ્પિયન -
LPG Price: મોંઘવારીનો ઝટકો, ઘરેલું ગેસ 60 અને કોમર્શિયલ ગેસ 115 રૂપિયા મોંઘો, જાણો તમારા શહેરના લેટેસ્ટ રેટ
Click it and Unblock the Notifications
Sign in with Google
