અમદાવાદઃ ઈસનપુરની સોસાયટીમાં રહસ્યમય સંજોગોમાં વૃદ્ધ દિયર-ભાભીની લાશો મળતા ચકચાર

અમદાવાદના ઈસનપુર પોલિસ સ્ટેશન વિસ્તારમાં રહસ્યમય સંજોગોમાં લાશો મળી આવતા સમગ્ર વિસ્તારમાં ચકચાર મચી જવા પામી છે. અમદાવાદના ઈસનપુર વિસ્તારમાંથી આ ઘટના સામે આવતા સનસની મચી ગઈ છે. અહીં એક યુવકે પોતાના માતા અને કાકાની ગળે ફાંસો આપી હત્યા કરી દીધી અને ત્યારબાદ પોતે પંખા પર લટકી ગયો હતો પરંતુ પડોશીઓએ તેને ઉતારી લીધો હતો.

ઘટનાની વિગત એવી છે કે સુમનસજની સોસાયટીમાં રહેતા યુવકે માતા અને કાકાને ગળે ફાંસો આપી હત્યા કરી બે દિવસ તેમની લાશ સાથે વીતાવ્યા બાદ પોતાના પર શરમ આવતી આત્મહત્યા કરવાનો ત્રણ વાર પ્રયત્ન કર્યો અંતમાં શરીર પર ચપ્પાના ઘા માર્યા તો પણ બચી ગયો. યુવકના પિતા રજની પંડ્યાનુ થોડા વર્ષો પહેલા મોત થયુ હતુ. ત્યારબાદ યુવક, તેની માતા અને કાકા સાથે રહેતા હતા. યુવક વરુણ પંડ્યા કોઈ કામધંધો કરતો નહોતો.

બુધવારે તેણે માતા અને કાકા બંનેને ગળેફાંસો આપી હત્યા કરી નાખી. ત્યારબાદ પોતે દુપટ્ટા સાથે ગળેફાંસો ખાવાનો પ્રયત્ન કર્યો પરંતુ પડોશી જોઈ જતા તેને નીચે ઉતારી લીધો. થોડા કલાકો બાદ ફરીથી તેણે પ્રયત્ન કર્યો પરંતુ વજનના કારણે પંખો નીચે પડી ગયો અને અંતે તણે ઘરમાં રહેલા ચપ્પુથી પોતાને ઘા માર્યા પરંતુ તેને સફળતા ન મળી. છેવટે તેણે પોતાના એક સંબંધીને ફોન કરીને બોલાવ્યા અને પોલિસ કંટ્રોલ રૂમમાં ફોન કરીને ઘટનાની જાણ કરી. હાલમાં આર્થિક કારણો જવાબદાર હોવાનુ માનીને પોલિસની પ્રાથમિક તપાસમાં જાણવા મળ્યુ છે. જો કે પોલિસ વધુ તપાસ કરી રહી છે.

English summary

AHMEDABAD: Mother and incle killed by son in Isanpur society under mysterious circumstances.