કાંકરિયાને નવી અટલ ટ્રેન મળશે, ફલાવર શોની મુદત વધારાઈ

અમદાવાદ મ્યુનિસિપલ કોર્પોરેશનની સ્ટેન્ડિંગ કમિટીએ શહેરના વિકાસ અને સુવિધા માટે મહત્વના નિર્ણયો લીધા છે.

આ બેઠકમાં કાંકરિયાની ટોય ટ્રેનથી લઈને રિવરફ્રન્ટ ફલાવર શો સુધીના નિર્યણો લેવાયા. તંત્ર દ્વારા લેવાયેલા આ નિર્ણયોથી મુલાકાતીઓના આનંદમાં અનેકગણો વધારો થશે.

કાંકરિયા લેકફ્રન્ટની મુલાકાતે આવતા પ્રવાસીઓ માટે તંત્ર 3.54 કરોડના ખર્ચે બે નવી ટોય ટ્રેન ખરીદશે. 'મેક ઇન ઇન્ડિયા' હેઠળ બનનારી આ ડીઝલ એન્જિન ટ્રેનમાં એકસાથે 150 મુસાફરો મુસાફરીનો આનંદ માણી શકશે. આ નવી ટ્રેન આગામી છ મહિનામાં પાટા પર દોડતી થશે અને જૂની ટ્રેન પરત કરી દેવાશે.

સાબરમતી રિવરફ્રન્ટ પર યોજાયેલા ફલાવર શોની લોકપ્રિયતા જોતા તેની મુદત હવે 29 જાન્યુઆરી સુધી લંબાવી છે. અત્યાર સુધીમાં 6 લાખથી વધુ લોકોએ મુલાકાત લેતા કોર્પોરેશનને 6 કરોડથી વધુની માતબર આવક થઈ છે.

માત્ર ઉત્તરાયણના બે દિવસમાં જ લાખો લોકો ઉમટી પડતા AMCની તિજોરીમાં 1.60 કરોડ જમા થયા છે.

English summary

The Ahmedabad Municipal Corporation approves two Make in India Atal Toy Trains, enhances riverfront flower show operations, imposes mandatory parking for commercial units, and removes encroachments around the Jagannath temple to improve city safety and visitor access.