અમદાવાદઃ સાબરમતી, નારણપુરા, પાલડી, વાસણા સહિતના વિસ્તારોમાં આજે સાંજે પાણી નહિ આવે

Water Supply Close: અમદાવાદ મ્યુનિસિપલ કોર્પોરેશનના કોતરપુર વોટર વર્કસમાં ટેકનિકલ કારણોના કારણે આજે 23 નવેમ્બરના રોજ, ગુરુવારે સાંજે પાણી પુરવઠો બંધ રાખવામાં આવશે.

એએમસીના કોતરપુર વોટર વર્કસમાં ટેકનિકલ કારણોના લીધે વેસ્ટર્ન ટ્રન્ક મેઈન્સ શટડાઉન કરવાથી પશ્ચિમ ઝોનના વિસ્તારોમાં આજે સાંજે પાણી કામ રહેશે. વળી, 24 નવેમ્બરે, શુક્રવારે ઉપલબ્ધ પાણી પુરવઠાના આધારે સપ્લાય આપવામાં આવશે.

આજે સાબરમતી, વાડજ, નારણપુરા, નવરંગપુરા, આંબાવાડી, પાલડી, વાસણા વગેરે વિસ્તારોમાં પાણી પુરવઠો આપવામાં આવશે નહિ. પશ્ચિમ ઝોનમાં રાણીપ સિવાયના વિસ્તારોમાં આજે સાંજે પાણી બંધ રહેશે.

એએમસી ઈજનેર વોટર પ્રોજેકટ હેઠળ કોતરપુર વોટર વર્કસનો પાણી પુરવઠો શહેરના પશ્ચિમ ઝોનના વોટર ડિસ્ટ્રિબ્યુશન સ્ટેશનોને પૂરો પાડવા કોતરપુર વોટર વર્કસના 3 વોટર ટ્રીટમેન્ટ પ્લાન્ટનુ આંતરિક જોડાણ કરવાનુ છે.

કોતરપુર વોટર વર્કસથી તપોવન સર્કલ થઈ પ્રમુખસ્વામી મહારાજ રોડ સુધી એમએસ પાઈપલાઈન નાખી હયાત 1300 મિમી વ્યાસની લાઈન સાથે જોડાણ કરવાની કામગીરી કરવાની છે. જે હેઠળ 650 એમએલડી ક્ષમતાના વોટર ટ્રીટમેન્ટ પ્લાન્ટની હાલની 1600 મિમી વ્યાસની વેસ્ટર્ન ટ્રન્ક મેઈન્સમાં બટરફ્લાય વાલ્વ, 5 ફ્લો મીટર ઈનસ્ટોલ કરવાની તથા નવી નાખવામાં આવેલી 1600 મિમી વ્યાસની લાઈનની હાલની લાઈન સાથે જોડાણની કામગીરી કરવામાં આવશે.

English summary

Ahmedabad: Sabarmati, Naranpura, Paldi, Vasana and other areas water supply close today evening