અકાસા એર શરૂ કરશે અમદાવાદ-કોલકાતા-પોર્ટ બ્લેર ફ્લાઈટ, જાણો ભાડું

Ahmedabad-Kolkata-Port Blair flight price: બજેટ એરલાઇન અકાસા એર દ્વારા આગામી મહિનાથી એટલે કે નવેમ્બરથી શિયાળાના સમયપત્રક હેઠળ અમદાવાદ અને પોર્ટ બ્લેર વચ્ચે કોલકાતા થઈને કનેક્ટિંગ ફ્લાઈટ સેવા શરૂ કરવામાં આવશે.

13 નવેમ્બરથી શરૂ થતી અમદાવાદ અને પોર્ટ બ્લેર વચ્ચે કોલકાતાની કનેક્ટિંગ ફ્લાઈટ સરદાર વલ્લભભાઇ પટેલ ઇન્ટરનેશનલ (SVPI) એરપોર્ટ પરથી સવારે 5:10 કલાકે ઉપડશે અને સવારે 7:50 કલાકે કોલકાતાના નેતાજી સુભાષ ચંદ્ર બોઝ ઇન્ટરનેશનલ એરપોર્ટ પર લેન્ડ થશે.

થોડા સમયના વિરામ બાદ, તે કોલકાતાથી સવારે 8:30 કલાકે ઉપડશે અને લગભગ 10:45 કલાકે પોર્ટ બ્લેરના વીર સાવરકર ઇન્ટરનેશનલ એરપોર્ટ પર ઉતરશે.

આ દરમિયાન રિટર્ન મુસાફરીમાં ફ્લાઇટ પોર્ટ બ્લેયરથી સવારે 11:25 કલાકે ઉપડશે, 1:40 કલાકે કોલકાતામાં ઉતરશે અને થોડા સમયના થોભ્યા પછી, 2:20 કલાકે અમદાવાદ માટે રવાના થશે અને સાંજે 5:10 કલાકે અમદાવાદના SVPI એરપોર્ટ પર પહોંચશે.

ઉલ્લેખનીય છે કે, ફ્લાઇટ સેવા અઠવાડિયામાં ત્રણ દિવસ ઓપરેટ કરવામાં આવશે. જેમાં સોમવાર, બુધવાર અને શુક્રવારના રોજ ફ્લાઈટ ઓપરેટ કરવામાં આવશે.

અમદાવાદથી કોલકત્તા માટે આકાસા એરલાઈનની હાલ જે ફ્લાઈટ ઓપરેટ થઈ રહી છે, તે મુંબઈ થઈને કોલકત્તા જાય છે. અમદાવાદ કોલકત્તા ફ્લાઈટનું ભાડું અંદાજે 7500 રૂપિયા છે.

અમદાવાદથી હાલ પોર્ટ બ્લેર જવા માટેની જે ફ્લાઈટ છે, તે ચેન્નાઈ થઈને પોર્ટ બ્લેર જાય છે. અમદાવાદથી પોર્ટ બ્લેર જવા માટે પ્રવાસીઓએ 11000 થી 13000 સુધી ભાડું ચુકવવું પડી રહ્યું છે. આ ભાડામાં વધારો કે ઘટાડો થતો રહે છે.

English summary

Akasa Air will start Ahmedabad-Kolkata-Port Blair flight, know the fare