Catch the Rain : અમદાવાદમાં વરસાદી પાણી બચાવવા રૂફટોપ રેઇન વોટર હાર્વેસ્ટિંગની પહેલ
Catch the Rain : અમદાવાદ મ્યુનિસિપલ કોર્પોરેશન (AMC) દ્વારા વરસાદી પાણીના સંરક્ષણ માટે મહત્વપૂર્ણ પગલું ભરવામાં આવ્યું છે. કેન્દ્ર સરકારના કેચ ધ રેઇન અભિયાનના અનુસંધાને અમદાવાદ શહેરમાં આવેલા સરકારી મકાનોની છત ઉપર રૂફટોપ રેઇન વોટર હાર્વેસ્ટિંગ સિસ્ટમ સ્થાપવાની કામગીરી હાથ ધરાઈ છે.
AMC દ્વારા આગામી 1.5 વર્ષમાં શહેરના તમામ ઝોનમાં આવેલી અંદાજે 1800 સરકારી ઇમારતોમાં આ સિસ્ટમ ઇન્સ્ટોલ કરવામાં આવશે. જેમાં ઝોનલ ઓફિસો, વોર્ડ ઓફિસો, હોસ્પિટલ્સ, મ્યુનિસિપલ શાળાઓ, અર્બન હેલ્થ સેન્ટર્સ, લાઈબ્રેરીઝ, ડ્રેનેજ પંપિંગ સ્ટેશનો અને વોટર ડિસ્ટ્રિબ્યુશન યુનિટ્સનો સમાવેશ થાય છે.
આ અભિયાન હેઠળ ધાબે પડતું વરસાદી પાણી વહી ન જાય, તેનો પુરો પુનઃઉપયોગ થાય તે માટે આધુનિક પદ્ધતિથી ફિલ્ટર કરી તેને જમીનના અંડરગ્રાઉન્ડ ટાંકા અથવા હાલની બોરવેલ/પરકોલેશન વેલમાં મોકલવામાં આવશે. આવું કરવાથી ભૂગર્ભ જળસ્તર વધશે અને પાણીની ગુણવત્તા સુધરશે.
પ્રથમ તબક્કામાં અંદાજે 5.50 કરોડના ખર્ચે 400 ઈમારતોમાં આ સિસ્ટમ મૂકવાનું કામ આરંભાયું છે, જે આગામી ચોમાસા પહેલાં પૂર્ણ કરવામાં આવશે.
આ કામગીરી દ્વારા AMC દૈનિક પાણી પુરવઠા પરના ભારને ઘટાડવા સાથે નર્મદાના પાણીના ઉપયોગમાં બચત કરવાનુ લક્ષ્ય ધરાવે છે. આ ઉપરાંત ભૂજળ સ્તરે સુધારો પણ જોવા મળશે, જે આગામી સમયમાં પાણીની દૂર્લભતાને પહોંચી વળવામાં મદદરૂપ બનશે.
આ રીતે AMC દ્વારા વરસાદી પાણીનું સંરક્ષણ કરીને ટકાઉ વિકાસ અને પાણીના સ્ત્રોતોની રક્ષા કરવા પ્રયાસ કરવામાં આવી રહ્યો છે, જે સમગ્ર ગુજરાત માટે પ્રેરણાત્મક બની રહે છે.
Click it and Unblock the Notifications
Sign in with Google
