હવે ઓનલાઇન લેવાશે પરીક્ષા, ગૌણ સેવા પસંદગી મંડળે લીધો નિર્ણય
Gandhinagar: ગુજરાત સરકાર રાજ્યના ઘણા સરકારી વિભાગોમાં ખાલી પડેલી વિવિધ જગ્યાઓની ભરતી કરે છે. જે પૈકી નક્કી કરેલા ધોરણો મુજબ ગૌણ સેવા પસંદગી મંડળને આ જગ્યા માટે ભરતીનો કાર્યભાર સોંપવામાં આવ્યો છે. જે અંતર્ગત અત્યાર સુધી ગૌણ સેવા પસંદગી મંડળ ભરતી કરી રહી છે.
ગત કેટલા સમયથી પરિક્ષાઓમાં થતા છબરડા, તેમજ પેપર ફૂટવાની અનેક ઘટનાઓને રોકવા માટે ગુજરાત સરકારે હવે કડક પગલા લેવામાં આવ્યા છે. જેને ધ્યાનમાં રાખીને ગૌણ સેવા પસંદગી મંડળે પરિક્ષા પદ્ધતિમાં મોટો ફેકફાર કરવાનો નિર્ણય લીધો છે. કોઈપણ ઉમેદવારને કોઈ અન્યાય ન થાય. તે માટે ગુજરાત સરકારે આ નિર્ણય કર્યો છે.
ગુજરાત રાજ્યના શિક્ષણ વિભાગે લીધેલા નિર્ણય અનુસાર, પરીક્ષા ઉમેદવારોની સંખ્યાના આધારે એક દિવસથી વધુ પણ લેવાશે. પરીક્ષા પદ્ધતિમાં દિવસના ત્રણ પેપર કાઢવામાં આવશે.
આ સાથે સંપૂર્ણ પરીક્ષા પેપરલેસ પ્રક્રિયા દ્વારા લેવામાં આવશે. ઉમેદવારે નિયત કરવામાં આવેલા વિવિધ સેન્ટર્સમાં જઈને કોમ્પ્યુટર પર સંપૂર્ણ પરીક્ષા આપવાની રહેશે.
કોમ્પ્યુટર માટેની એજન્સી ગૌણ સેવા પસંદગી મંડળ દ્વારા નક્કી કરવામાં આવે છે. એક સાથે 15 હજાર વિદ્યાર્થીઓ પરીક્ષા આપી શકે, તેવી વ્યવસ્થા કરવામાં આવી છે. દેશની પ્રતિષ્ઠિત TCS કંપનીને પરીક્ષા માટેની જવાબદારી સોંપવામાં આવશે.
બીટ ગાર્ડની પરીક્ષા પણ ઓનલાઈન પદ્ધતિથી ગૌણ સેવા પસંદગી મંડળ દ્વારા લેવામાં આવેશે. બીટ ગાર્ડની પરીક્ષા અંદાજીત એક સપ્તાહથી વધુ સમય ચાલશે, જેમાં 4.5 લાખ ઉમેદવારો પરીક્ષા આપશે.
Click it and Unblock the Notifications
Sign in with Google
