રાજ્યમાં કુટરીર ઉદ્યોગને પ્રોત્સાહન આપવા મટે રાજ્યમાં 102 મેળા યોજાયા

રાજ્યના હાથશાળ-હસ્તકલાને પ્રોત્સાહન આપવા કુટીર ઉદ્યોગની ઇન્ડેક્ષ્ટ-સી કચેરી દ્વારા બે વર્ષમાં રાજ્યની બહાર ૧૫ અને રાજ્યમાં ૧૦૨ મેળાઓ યોજાયા

રાજ્ય સરકારના ઉદ્યોગ વિભાગ હેઠળની ઇન્ડેક્ષ્ટ-સી કચેરી દ્વારા ગુજરાતના કુટીર ઉદ્યોગો, ગ્રામ્ય ઉદ્યોગો, માટીકામ અને હસ્તકલાને પ્રોત્સાહન આપવા માટે વિવિધ યોજનાઓ અમલી બનાવી છે. આ સાથે જ ઇન્ડેક્ષ્ટ-સી કચેરી દ્વારા રાજ્યમાં અને રાજ્યની બહાર અનેક સ્થળોએ હાથશાળ અને હસ્તકલા મેળાનું આયોજન કરી નાના ઉદ્યોગોને પ્રોત્સાહન આપવાનું કામ કરવામાં આવી રહ્યું છે.

વિધાનસભા ગૃહ ખાતે આજે ઇન્ડેક્ષ્ટ-સી કચેરી દ્વારા વર્ષ ૨૦૨૧ અને ૨૦૨૨માં રાજ્યની બહાર અને રાજ્યમાં યોજવામાં આવેલા મેળાઓ અંગે વિગતો રજૂ કરવામાં આવી હતી. આ વિગતોમાં દર્શાવ્યા અનુસાર કુટીર ઉદ્યોગ વિભાગની ઇન્ડેક્ષ્ટ-સી કચેરી દ્વારા રાજ્યની બહાર બે વર્ષમાં ૧૫ અને રાજ્યમાં ૧૦૨ હાથશાળ-હસ્તકલાના મેળાઓ યોજવામાં આવ્યા હતા. રાજ્યમાં બે વર્ષ દરમિયાન યોજાયેલા મેળાઓમાં કુલ ૭૩૮૮ અને રાજ્યની બહાર બે વર્ષ દરમિયાન યોજાયેલા મેળાઓમાં ૧૨૩૧ હાથશાળ-હસ્તકલા કારીગરોએ ભાગ લીધો હતો.

વધુમાં દર્શાવ્યા અનુસાર રાજ્ય બહાર યોજાયેલા મેળાઓમાં હાથશાળ-હસ્તકલા કારીગરો દ્વારા બે વર્ષમાં કુલ રૂ. ૧૦૬૧.૨૬ લાખ અને રાજ્યમાં બે વર્ષ દરમિયાન યોજાયેલા મેળાઓ કુલ રૂ. ૩૮૩૧.૮૧ લાખનું વેચાણ કરવામાં આવ્યું છે.

English summary

102 fairs were held in the state to promote cottage industry in the state