ગુજરાત વિધાનસભા પેટા ચૂંટણી પહેલા કોંગ્રેસને મોટો ઝટકો, 200 કોંગ્રેસી ભાજપમાં જોડાયા

ગુજરાત ચૂંટણી પહેલા કોંગ્રેસને એક વાર ફરીથી ઝટકો લાગ્યો છે. લગભગ 200 કોંગ્રેસીઓએ ભાજપનો પાલવ પકડી લીધો છે.

ગાંધીનગરઃ ગુજરાત ચૂંટણી પહેલા કોંગ્રેસને એક વાર ફરીથી ઝટકો લાગ્યો છે. લગભગ 200 કોંગ્રેસીઓએ ભાજપનો પાલવ પકડી લીધો છે. આ બધુ કપરાડા સીટ પર યોજાનાર પેટાચૂંટણી પહેલા થયુ છે જેને વિપક્ષ દળ કોંગ્રેસ માટે મોટો ઝટકો માનવામાં આવી રહ્યુ છે. કોંગ્રેસમાં પહેલા પણ તૂટ થતી રહી છે. આ વર્ષે કોંગ્રેસના 8 ધારાસભ્યોએ પાર્ટી છોડી હતી જેના કારણે તેને રાજ્યસભામાં ભાજપથી મ્હાત ખાવી પડી. હવે પેટાચૂંટણી પહેલા ફરીથી કોંગ્રેસ નેતા તેમજ કાર્યકર્તા ભાજપમાં જઈ રહ્યા છે.

સત્તાધારી દળ ભાજપે વાસ્તવમાં બુધવારે શક્તિ કેન્દ્ર સંમેલન આયોજિત કર્યુ હતુ. જેમાં સેંકડો કોંગ્રેસી કાર્યકર્તા શામેલ થયા. એક પદાધિકારીએ જણાવ્યુ કે કપરાડા વિધાનસભા પેટાચૂંટણીના મતદાનની તારીખ ઘોષિત થવા સાથે તૈયારી શરૂ કરી દેવામાં આવી છે. આ સીટથી ગઈ ચૂંટણીમાં કોંગ્રેસની ટિકિટ પર વિજયી જીતુ ચૌધરી રાજીનામુ આપીને રાજ્યસભા ચૂંટણી દરમિયાન ભાજપમાં આવ્યા હતા. હવે આગામી વિધાનસભા ચૂંટણી માટે ભાજપે તેમને જ ઉમેદવાર બનાવવાનો નિર્ણય કર્યો છે. પાર્ટીએ તેમના સમર્થનમાં પ્રચાર અભિયાન પણ શરૂ કરી દીધુ છે.

હવે કોંગ્રેસને છોડીને ભાજપમાં શામેલ થનાર કોંગ્રેસીઓમાં તાલુકા પંચાયતના સભ્ય અને પૂર્વ સરપંચ પણ શામેલ છે. આ પહેલા પણ કપરાડા વિધાનસભાના ઘણા કોંગ્રેસીઓએ ભાજપમાં જોડાયા હતા. જીતુ ચૌધરીની વાત કરીએ તો વર્ષ 2013માં જીતુ ચૌધરીને ભાજપની ટિકિટ પર ચૂંટણી લડાવવામાં આવી હતી. તેને ટક્કર આપનાર પ્રકાશ પટેલે હવે અપક્ષ ચૂંટણી લડવાનુ એલાન કર્યુ છે.

English summary

200 Congress workers joins BJP in Kaprada constituency ahead of Gujarat bypolls.