વરસાદના પાણીના સંગ્રહ માટે ગુજરાતને ફાળવાયા 4,369 કરોડ

Gujarat for rainwater harvesting: કેન્દ્ર સરકાર દ્વારા છેલ્લા ત્રણ વર્ષમાં વરસાદી પાણીના સંગ્રહ માટે જલ શક્તિ અભિયાન હેઠળ ગુજરાતને અનુદાન તરીકે કુલ રૂપિયા 4,369 કરોડ જાહેર કરવામાં આવ્યું છે.

કેન્દ્ર સરકાર દ્વારા અટલ મિશન ફોર રિજુવેનેશન એન્ડ અર્બન ટ્રાન્સફોર્મેશન (AMRUT 2.0) હેઠળ ગુજરાત માટે જળાશયના કાયાકલ્પ પ્રોજેક્ટ માટે રૂપિયા 651 કરોડના ખર્ચના 188 પ્રોજેક્ટને મંજૂરી આપવામાં આવી છે.

પ્રધાનમંત્રી કૃષિ સિંચાઈ યોજનાના વોટરશેડ ડેવલપમેન્ટ ઘટક હેઠળ, કેન્દ્ર સરકારે છેલ્લા ત્રણ વર્ષથી વધુ વર્ષોમાં ગુજરાત માટે કુલ રૂપિયા 218 કરોડ જાહેર કર્યા છે.

આ માહિતી જલ શક્તિ રાજ્ય મંત્રી રાજ ભૂષણ ચૌધરીએ 29 જુલાઈ, 2024 ના રોજ રાજ્યસભામાં રાજ્યસભા સાંસદ પરિમલ નથવાણી દ્વારા ઉઠાવવામાં આવેલા પ્રશ્નનો જવાબ આપતાં આપી હતી.

મંત્રીએ એમ પણ જણાવ્યું હતું કે, 2024 માં, જલ શક્તિ અભિયાન: ગુજરાતમાં વરસાદના કાર્યક્રમ હેઠળ, 2,855 જળ સંરક્ષણ અને વરસાદી પાણીના સંગ્રહના કામો પૂર્ણ કરવામાં આવ્યા હતા.

3,305 પરંપરાગત જળાશયોનું નવીનીકરણ કરવામાં આવ્યું હતું, 6,009 પુનઃઉપયોગ અને રિચાર્જ સ્ટ્રક્ચર્સ સેટ કરવામાં આવ્યા હતા. આ સાથે 15,848 વોટરશેડ વિકાસ કામો પૂર્ણ થયા છે.

પરિમલ નથવાણીએ વરસાદી પાણીના સંચયને પ્રોત્સાહન આપવા માટે ગ્રામીણ તેમજ શહેરી સ્તરે હાથ ધરવામાં આવેલા કાર્યો તેમજ વિવિધ યોજનાઓ હેઠળ ફાળવવામાં આવેલા ભંડોળની વિગતો અને વરસાદના પાણીના સંગ્રહને પ્રોત્સાહન આપવા માટે રાજ્યોને કોઈ પ્રોત્સાહનો આપવામાં આવે છે કે, કેમ તેની વિગતો માગી હતી.

મંત્રીના નિવેદન મુજબ, વરસાદી પાણીના સંગ્રહ દ્વારા પાણીનું સંરક્ષણ એ સરકારની મુખ્ય પ્રાથમિકતાઓમાંની એક છે અને કેન્દ્ર સરકાર ટેકનિકલ અને નાણાકીય સહાય દ્વારા રાજ્યો/કેન્દ્રશાસિત પ્રદેશોના પ્રયત્નોને પૂરક બનાવે છે. કારણ કે, પાણી રાજ્યનો વિષય છે.

અટલ મિશન ફોર રિજુવેનેશન એન્ડ અર્બન ટ્રાન્સફોર્મેશન (AMRUT) અને AMRUT 2.0 મિશન માટે રૂપિયા 77,650 કરોડના મંજૂર પ્લાન કદમાંથી, પાણી પુરવઠા ક્ષેત્ર માટે રૂપિયા 39,011 કરોડની નોંધપાત્ર રકમ ફાળવવામાં આવી છે.

અત્યાર સુધીમાં, આશરે રૂપિયા 1,13,358.44 કરોડના ખર્ચના 3,543 પાણી પુરવઠા પ્રોજેક્ટને આવાસ અને શહેરી બાબતોના મંત્રાલય દ્વારા મંજૂરી આપવામાં આવી છે. વધુમાં, AMRUT 2.0 હેઠળ MoHUA દ્વારા રૂપિયા 5432.21 કરોડની કિંમતના 2,713 વોટર બોડી કાયાકલ્પ પ્રોજેક્ટને મંજૂરી આપવામાં આવી છે.

English summary

4,369 crore has been allocated to Gujarat for rainwater harvesting