75 years of NCC: NCCની સાયકલ રેલીને CMએ બતાવી લીલી ઝંડી, કન્યાકુમારીથી જશે દિલ્હી

Published: Monday, January 8, 2024, 13:15 [IST]

75 years of NCC: આ વર્ષે રાષ્ટ્રીય કેડેટ કોર (NCC)ના 75 વર્ષ પુરા થવા જઇ રહ્યા છે. આ અંતર્ગત ગુજરાતના મુખ્યમંત્રી ભૂપેન્દ્ર પટેલે સોમવારના રોજ ગાંધીનગરમાં NCCની સાયકલ રેલીને લીલી ઝંડી બતાવી હતી. NCCની સાયકલ રેલી તામિલનાડુના કન્યાકુમારીથી રાજધાની દિલ્હી સુધીનું અંતર કાપશે.

ઉલ્લેખનીય છે કે, NCCની રચના 15 જુલાઈ, 1948ના રોજ થઈ હતી. આ દિવસ સમગ્ર ભારતમાં ઉજવવામાં આવે છે, જેમાં કેડેટ્સ રક્તદાન શિબિરો અને સામાજિક વિકાસ કાર્યક્રમોમાં ભાગ લે છે.

નેશનલ કેડેટ કોર્પ્સ - નેશનલ કેડેટ કોર્પ્સને ત્રિ-સેવા સંસ્થા કહી શકાય છે. કારણ કે, તેમાં આર્મી, નેવી અને એરફોર્સનો સમાવેશ થાય છે. નેશનલ કેડેટ કોર્પ્સનો મુખ્ય ઉદ્દેશ્ય દેશના યુવાનોને શિસ્તબદ્ધ, જવાબદાર અને દેશભક્ત નાગરિક તરીકે તૈયાર કરવાનો છે.

ભારતમાં નેશનલ કેડેટ કોર્પ્સ એ એક સ્વૈચ્છિક સંસ્થા છે, જે સમગ્ર ભારતમાં ઉચ્ચ શાળાઓ, કોલેજો અને યુનિવર્સિટીઓમાંથી કેડેટ્સની ભરતી કરે છે અને તે સ્વયંસેવકોને લશ્કરી તાલીમ પણ આપે છે.

NCC યુવાનોમાં રાષ્ટ્રવાદ અને બિનસાંપ્રદાયિક દ્રષ્ટિકોણની ભાવના કેળવે છે, જે એક મજબૂત રાષ્ટ્રના નિર્માણમાં યોગદાન આપશે. આ ઉપરાંત, તે યુવા ભારતીયોની શક્તિઓને રચનાત્મક ઉદ્દેશ્યમાં જોડવાની પ્રક્રિયા દ્વારા જનતાના વ્યક્તિગત ઉત્થાન માટે એક સામાન્ય પ્લેટફોર્મ પણ પ્રદાન કરે છે.

#WATCH | Gujarat CM Bhupendra Patel flags off an NCC bicycle rally in Gandhinagar. The rally is being organised to mark the 75 years of NCC and is covering the distance from Kanyakumari in Tamil Nadu to Delhi. pic.twitter.com/fdAs5n8qRv
— ANI (@ANI) January 8, 2024