છોટાઉદેપુર ખાતે જળશક્તિ અભિયાન અંતર્ગત સમીક્ષા બેઠક યોજાઈ!
છોટાઉદેપુર જિલ્લા સેવા સદનના કોન્ફરન્સ હોલમાં કેન્દ્રના નાયબ સચિવની અધ્યક્ષતામાં જળશક્તિ અભિયાન અંતર્ગત બેઠક યોજાઇ હતી.
છોટાઉદેપુર જિલ્લા સેવા સદનના કોન્ફરન્સ હોલમાં કેન્દ્રના નાયબ સચિવની અધ્યક્ષતામાં જળશક્તિ અભિયાન અંતર્ગત બેઠક યોજાઇ હતી. છોટાઉદેપુર જિલ્લાના નોડલ અધિકારી એલેકસ થોમસની અધ્યક્ષતામાં મળેલી આ બેઠકમાં જળશક્તિ અભિયાન અંતર્ગત કરવામાં આવેલી કામગીરીની સમીક્ષા કરવામાં આવી હતી.
આ દરમિયાન તેમણે જણાવ્યું હતું કે, જિલ્લા વહીવટીતંત્ર દ્વારા જળશક્તિ અભિયાન અંતર્ગત સારી કામગીરી કરવામાં આવી છે. જિલ્લાના વિવિધ વિભાગો દ્વારા જળશક્તિ અભિયાન અંતર્ગત કરવામાં આવેલી જળસંચય કામગીરીની વિગતે જાણકારી મેળવી ઉપયોગી સૂચનો કર્યા હતા.
નોડલ ઓફિસર અને નાયબ સચિવ એલેકસ થોમસે જિલ્લામાં જલશક્તિ અભિયાન અંતર્ગત થયેલી કામગીરીની વિગતો સાથે આગામી સમયમાં જળશક્તિ અભિયાન અંતર્ગત કરવામાં આવનારી કામગીરીના આયોજનની વિગતો અંગે પણ જાણકારી મેળવી હતી. બેઠકમાં ઉપસ્થિત જિલ્લા કલેકટર સ્તુતિ ચારણે જિલ્લા વહીવટીતંત્ર દ્વારા કરવામાં આવેલી કામગીરી અંગે નોડલ અધિકારીને વિગતે વાકેફ કર્યા હતા. તેમજ તેમણે રાજય સરકાર દ્વારા અમલી સુજલામ સુફલામ જળ અભિયાન અંગે પણ જાણકારી આપી હતી. પાવર પોઇન્ટ પ્રેઝન્ટેશનના માધ્યમથી નોડલ અધિકારી અને નાયબ સચિવ એલેકસ થોમસને જિલ્લાની ભૌગોલિક, સામાજીક, શૈક્ષણિક અને આર્થિક બાબતો અંગે વિગતે છણાવટ કરી હતી. સિંચાઇ વિભાગ, વોટરશેડ તેમજ વન વિભાગ દ્વારા કરવામાં આવેલી કામગીરીથી વાકેફ કરાયા હતા.