• search
For Quick Alerts
ALLOW NOTIFICATIONS  
For Daily Alerts

અ'વાદ BMW કાંડ: બીજા યુવકનું પણ મોત, વિસ્મયની ધરપકડ

|
vishmay-shah
અમદાવાદ, 27 ફેબ્રુઆરી: અમદાવાદના બીએમડબલ્યુ કાંડમાં રવિવારે મોડી રાત્રે સર્જાયેલા ગોઝારા અકસ્માતમાં એક બાઇક સવાર યુવકનું ઘટના સ્થળે જ મોત નિપજ્યું હતું, જ્યારે અન્ય ગંભીરરીતે ઇજાગ્રસ્ત યુવકે પણ આજે બુધવારે સવારે સારવાર દરમિયાન દમ તોડી દીધો છે. જોકે અમદાવાદ પોલીસે આ ઘટનાના આરોપી અને કાર ચલાવનાર વિસ્મય અમિત શાહની ધરપકડ કરી લીધી છે.

જજીસ બંગ્લોઝથી માનસી સર્કલ તરફ જતા માર્ગ પર બાઇક પર જઇ રહેલા બે મિત્રોને એક બીએમડબ્લ્યુ કારે 150ની સ્પીડથી ધસી આવીને પાછળથી અડફેટે લઇ લીધા હતા. આ ઘટનામાં શિવમ નામના યુવકનું મોત થયું હતું. ત્યારબાદ બુધવારે સવારે અન્ય યુવકનું પણ સારવાર દરમિયાન મોત નિપજ્યું છે. આ રીતે આ ઘટનામાં બાઇક પર સવાર બંને યુવકનું મોત નિપજ્યું છે.

આ અકસ્માતમાં પોતાના એકના એક દિકરા શિવમના મૃત્યુથી હતાશ થઇ ગયેલા મૃત યુવકના પિતાએ પોલીસને એવી ચિમકી આપી હતી કે જો તેમના પુત્રનો હત્યારાને પકડીને કડક સજા નહી કરવામાં આવે તો તેઓ આમરણ અનશન પર ઉતરી જશે.

અત્રે ઉલ્લેખનીય છે કે જજીસ બંગલોથી માનસી રોડ તરફ જતા માર્ગ પર આ અકસ્માત નોંધાયો છે. રાત્રે ચાર મિત્રો બે બાઇક પર જઇ રહ્યાં હતા. ત્યારે એક બેકાબુ બીએમડબલ્યુ કાર તેમની પાછળ આવી પહોંચી હતી અને બેમાંથી એક બાઇકને અડફેટે લીધી હતી. કારે પાછળથી ટક્કર મારતા બાઇક ચાલક કાબુ ગુમાવી બેઠો હતો અને તેઓ નીચે પડી જતાં ગંભીર ઇજા પહોંચી હતી. બનાવ બન્યા બાદ તુરત જ ઇજાગ્રસ્તોને નજીકની હોસ્પિટલે લઇ જવામાં આવ્યા હતા, જ્યાં એકનું મોત નિપજ્યું હોવાનું હાજર ડોક્ટરે જણાવ્યું હતું જ્યારે અન્ય એકને ગંભીર ઇજા પહોંચી હોય સારવાર આપવામાં આવી રહી હતી, જેનું પણ આજે મોત થયું છે. બીજી તરફ અકસ્માત સર્જ્યા બાદ કારનો ડ્રાઇવર વિસ્મય શાહ ઘટનાસ્થળેથી ભાગી ગયો હતો, જેને પણ આજે પોલીસે પકડી પાડ્યો હતો.

English summary
Ahmedabad police arrested BMW car driver vismay shah in hit and run case.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more