સુરતમાં સ્થિતિ વણસી, ગાયનું કપાયેલું માથું મળતા લોકોમાં રોષ
સુરતની એક સોસાયટીની બહાર મૃત ગાયનું માથુ મળતા લોકો ભરાયા રોષે, પોલીસે કર્યો લાઠીચાર્જ.
સુરતના લિંબયાત ગોડદરા વિસ્તારના ભાવના પાર્ક સોસાયટીની બહાર ગાયનું ઘડથી અલગ કરેલું માથું ફેંકેલું જોવા મળતા, સમગ્ર વિસ્તારમાં સ્થિતિ વણસી છે. હાલ પોલિસે લાઠી ચાર્જ અને ટીયર ગેસના સેલ છોડીને લોકોના ઉશ્કેરાયેલા ટોળાને કાબુમાં લેવાનો પ્રયાસ કર્યો છે. તેમ જ છતાં મોટી સંખ્યામાં વીએચપી અને બજરંગ દળના લોકો અહીં ઊમટી પડ્યા છે. અને રોષે ભરાયેલા ટોળા પથ્થરમારો અને તોડફોડ કરી રહ્યા છે. સાથે જ આગજનીની ઘટના પણ બની છે.
નોંધનીય છે કે સોમવારે વહેલી સવારે 5 વાગ્યાની આસપાસ સોસાયટીમાં ગાયનું કપાયેલું માથું મળી આવ્યું હતું. એટલું જ નહીં થોડા દિવસ અગાઉ પણ એક વાછરડાનો મૃતદેહ આ જ સોસાયટીની બહાર મળી આવ્યો હતો. ત્યારે ગાયનો આ મૃતદેહ ક્યાંથી આવ્યો તે અને કેવી રીતે જોત જોતામાં સ્થિતિ આ રીતે વણસી ગઇ છે તે અંગે હાલ પોલિસ તપાસ કરી રહી છે. ત્યારે પોલિસ અને સરકારી તંત્ર તરફ હાલ તો લોકોને શાંતિ જાળવવાની અપીલ કરવામાં આવી છે.
Click it and Unblock the Notifications
Sign in with Google
