ખેડૂતોને ડ્રમ અને ટબ ખરીદી માટે સહાય આપે છે ગુજરાત સરકાર
Agriculture News: બનાસકાંઠા અને પાટણ જિલ્લામાં ખેડૂતોને ડ્રમ અને ટબ ખરીદી સહાય સંદર્ભે વિધાનસભા ગૃહમાં પૂછાયેલા પ્રશ્નનો જવાબ આપતા કૃષિ મંત્રી બચુભાઇ ખાબડે જણાવ્યું કે, રાજ્યના ખેડૂતોને ડ્રમ અને બે પ્લાસ્ટિકના ટોકર(ટબ)ની ખરીદી માટે વિશેષ સહાય આપવાની યોજના વર્ષ 2021-22થી અમલમાં છે.
કૃષિ મંત્રીએ વધુ વિગતો આપતા જણાવ્યું હતું કે, તારીખ 31 ડિસેમ્બર, 2023ની સ્થિતિએ આ યોજના હેઠળ સહાય મેળવવા માટે બનાસકાંઠા જિલ્લામાં 7452 અરજીઓ અને પાટણ જિલ્લામાં 9682 અરજીઓ મળી હતી.
વર્ષ 2022-23માં આ યોજના અંતર્ગત બનાસકાંઠા જિલ્લામાં 7319 અરજીઓ મંજૂર કરી રૂપિયા 1.46 કરોડથી વધુ રકમની સહાય અને પાટણ જિલ્લામાં 7707 અરજીઓ મંજૂર કરી રૂપિયા 1.54 કરોડથી વધુ રકમની સહાય ચુકવવામાં આવી છે.
આવી જ રીતે વર્ષ 2023-24માં તારીખ 31 ડિસેમ્બર, 2023ની સ્થિતિએ પાટણ જિલ્લામાં 1975 અરજીઓ મંજૂર કરી રૂપિયા 39.50 લાખની સહાય ચુકવવામાં આવી છે. એટલું જ નહીં, યુક્ત સ્થિતિએ કોઈ અરજીઓ પડતર નથી.
Click it and Unblock the Notifications
Sign in with Google
