student murder : અમદાવાદમાં ધોરણ ૮ના વિદ્યાર્થીએ ધોરણ ૧૦ના વિદ્યાર્થીની હત્યા કરતા હંગામો
student murder : અમદાવાદના ખોખરા વિસ્તારમાં આવેલી સેવન્થ ડે સ્કૂલમાં એક હૃદયદ્રાવક ઘટના બની છે. અહીં એક ધોરણ ૮ના વિદ્યાર્થીએ ધોરણ ૧૦ના વિદ્યાર્થીની છરી મારીને હત્યા કરી છે.
આ ઘટના મંગળવારે ૧૯ ઓગસ્ટના રોજ બની અને તેના કારણે સમગ્ર વિસ્તારમાં તંગદિલીનો માહોલ ફેલાઈ ગયો છે.
પ્રાથમિક માહિતી અનુસાર, આ ઘટનાની શરૂઆત વિદ્યાર્થીઓ વચ્ચે થયેલા એક નાના ઝઘડાથી થઈ હતી. જો કે, આ સામાન્ય બોલાચાલીએ અચાનક ગંભીર સ્વરૂપ ધારણ કરી લીધું. ધોરણ ૮ના આરોપી વિદ્યાર્થીએ શાળાની બહાર ધોરણ ૧૦ના વિદ્યાર્થી પર હુમલો કર્યો.
છરીના ઘા વાગતા ઘાયલ વિદ્યાર્થીને તાત્કાલિક મણિનગરની એક ખાનગી હોસ્પિટલમાં ખસેડવામાં આવ્યો હતો, જ્યાં સારવાર દરમિયાન તેનું મૃત્યુ થયું.
વિદ્યાર્થીના મૃત્યુના સમાચાર ફેલાતા સ્થાનિક લોકો મોટી સંખ્યામાં શાળા પાસે એકઠા થયા હતા. આ ટોળાએ ભારે આક્રોશ વ્યક્ત કરતા શાળા પરિસરમાં તોડફોડ શરૂ કરી હતી.
ટોળાએ સ્કૂલ બસ, કાર અને અન્ય વાહનોને નિશાન બનાવીને ભારે નુકસાન પહોંચાડ્યું હતું. પરિસ્થિતિ એટલી હદે વણસી કે ટોળાએ શાળાના સ્ટાફ અને પ્રિન્સિપાલ સાથે મારપીટ કરી હતી. શાળાના દરવાજા અને બારીઓ તોડી નાખવામાં આવ્યા અને સમગ્ર મિલકતને મોટું નુકસાન થયું છે.
આ ઘટનાએ શાળામાં વિદ્યાર્થીઓની સુરક્ષા અંગે ગંભીર સવાલો ઊભા કર્યા છે, અને સમાજમાં વ્યાપક ચિંતાનું વાતાવરણ સર્જાયું છે. આ મામલે પોલીસ વધુ તપાસ કરી રહી છે.
Click it and Unblock the Notifications
Sign in with Google
