ગુજરાતમાં ગ્રામ પંચાયત ચૂંટણીની જાહેરાત, 19 ડિસેમ્બરે મતદાન યોજાશે!

આજે રાજ્ય ચૂંટણી આયોગે પત્રકાર પરિષદ યોજી ગ્રામ પંચાયત ચૂનાવની જાહેરાત કરી હતી. 10,879 ગામોમાં યોજાવા જઈ રહેલી આ ચૂંટણી માટે 29 નવેમ્બરે જાહેરનામું પ્રસિદ્ધ કરવામાં આવશે અને 4 ડિસેમ્બરથી ઉમેદવારી પત્ર ભરવાની શરૂઆત થશે.

ગાંધીનગર : ગુજરાતમાં સ્થાનિક સ્વરાજ્યની ચૂંટણીના પડઘમ વાગી ગયા છે. છેલ્લા કેટલાક સમયથી આતુરતાથી રાહ જોવાની હતી ત્યારે હવે આખરે જાહેરાત કરવામાં આવી છે. ગુજરાતના 10,879 ગામોમાં આ ચૂંટણી યોજાશે અને તેને લઈને હવે ઈલેક્શન કમિશન તૈયારીમાં લાગી ગયુ છે.

આજે રાજ્ય ચૂંટણી આયોગે પત્રકાર પરિષદ યોજીને ગ્રામ પંચાયત ચૂનાવની જાહેરાત કરી હતી. 10,879 ગામોમાં યોજાવા જઈ રહેલી આ ચૂંટણી માટે 29 નવેમ્બરે જાહેરનામું પ્રસિદ્ધ કરવામાં આવશે અને 4 ડિસેમ્બરથી ઉમેદવારી પત્ર ભરવાની શરૂઆત થશે. આ ઉમેદવારી પત્રો પરત ખેંચવા માટે 7 ડિસેમ્બર છેલ્લી તારીખ રહેશે. આ ચૂંટણીમાં કુલ 2 કરોડ 6 લાખ 53 હજાર મતદારો પોતાનો મત આપશે.

ઉમદવારી પત્રો ભરાયા બાદ 19 ડિસેમ્બરે ગ્રામ પંચાયતની ચૂંટણી યોજાશે. આ ચૂંટણીમાં બેલેટ પેપરથી મતદાન થશે એને સવારે 7 થી સુધી સાંજે 6 વાગ્યા સુધી મતદાતાઓ પોતાનો મત આપી શકશે. મતદાન બાદ જો કોઈ જગ્યાએ જરૂર પડે તો 20 ડિસેમ્બરે ફરીથી મતદાન યોજાશે. જે બાદ 21 ડિસેમ્બરે મતગણતરી હાથ ધરવામાં આવશે. આ ચૂંટણીમાં પણ મતદાતાઓને નોટાનો અધિકાર મળશે, એટલે કે મતદાતાઓ નોટામાં મત આપી શકશે.

ઉલ્લેખનિય છે કે આગામી વર્ષે ગુજરાત વિધાનસભાની ચૂંટણી યોજાવા જઈ રહી છે ત્યારે તે પહેલા જ ગ્રામ પંચાયતની ચૂંટણીઓ યોજાઈ રહી છે. જેને લઈને ગુજરાતના 18000 ગાંમડાઓમાંથી 60 ટકા એટલે કે 10,879 ગામોમાં આચારસંહિતા લાગુ કરી થઈ ગઈ છે.

English summary

Announcement of Gram Panchayat elections in Gujarat, polling will be held on 19th December