Bardoli Lok Sabha Election Results 2024 LIVE Gujarati: બારડોલી સીટ રિઝલ્ટ, પ્રભુ વસાવા વર્સિસ સિદ્ધાર્થ ચૌધરી

Updated: Tuesday, June 4, 2024, 11:08 [IST]

બારડોલી લોકસભા ચૂંટણી 2024ના પરિણામ આજે જાહેર થવા જઇ રહ્યાં છે ત્યારે બારડોલી લોકસભા સીટ વિશે થોડી માહિતી જાણીએ અને સાથે જ બારડોલીના રિઝલ્ટની લાઇવ અપડેટ આ આર્ટિકલમાં મેળવતા રહીએ.

બારડોલી લોકસભા સીટ 2008માં અસ્તિત્વમાં આવી હતી. આ સીટ એસટી માટે રિઝર્વ છે. બારડોલી લોકસભા સીટ પર પહેલીવાર 2009માં ચૂંટણી થઇ હતી, ત્યારે કોંગ્રેસના તુષાર અમરસિંહ ચૌધરી આ સીટ પરથી ચૂંટાઈને પાર્લામેન્ટ સુધી પહોંચ્યા હતા. બારડોલી લોકસભામાં સાત વિધાનસભા મતવિસ્તારનો સમાવેશ થાય છે, જેમાંઃ- માંગરોળ, માંડવી, કામરેજ, બારડોલી, મહુવા, વ્યારા અને નિઝર વિધાનસભા મતવિસ્તાર સામેલ છે.

લોકસભા ચૂંટણી 2024 માટે બારડોલી સીટ પર કૂલ 9 ઉમેદવારોએ ફોર્મ ભર્યાં હતાં જેમાંથી 2 ઉમેદવારોના ફોર્મ ચૂંટણી પંચે રદ્દ કરી દીધાં હતાં. અત્યારે 7 ઉમેદવારોની કિસ્મતનો ફેસલો થવાનો છે જેમાં ભાજપના પ્રભુભાઈ વસાવા અને કોંગ્રેસના ચૌધરી સિદ્ધાર્થ અમરસિંહ વચ્ચે જંગ જામ્યો છે. બારડોલી લોકસભા સીટ પર કૂલ 20,48,408 મતદારો નોંધાયેલા છે જેમાંથી 64.81% મતદારોએ પોતાના મતાધિકારનો ઉપયોગ કર્યો હતો.

લાઇવ અપડેટ

8:31 AM - શરૂઆતી ટ્રેન્ડ આવવા શરૂ થઈ ગયા છે. બારડોલીથી ભાજપના ઉમેદવાર પ્રભુ વસાવા આગળ ચાલી રહ્યા છે.

10:13 AM - બારડોલી બેઠક પર ભાજપના પ્રભુ વસાવાને 1,84,624 મત મળ્યા જ્યારે કોંગ્રેસના ઉમેદવાર 1,22,905 મત મેળવી પાછળ ચાલી રહ્યા છે.

11:07 AM - બારડોલી લોકસભા બેઠક પર પ્રભુ વસાવા ( ભાજપ ) 2,70,642 મત, સિદ્ધાર્થ ચૌધરીને ( કોંગ્રેસ ) 1,81,972 મત. ભાજપ 88,670 મતની લીડથી આગળ