ગુજરાતમાં રોગચાળા પર એમએલએ બોલ્યા, જીવવું મરવું ભગવાનના હાથમાં
ભારે વરસાદ પછી ગુજરાતમાં જળજન્ય રોગો ફેલાવવા લાગ્યા છે. કેટલાક સ્થળોએ મહામારીનો ભય પણ ફેલાયો છે.
ભારે વરસાદ પછી ગુજરાતમાં જળજન્ય રોગો ફેલાવવા લાગ્યા છે. કેટલાક સ્થળોએ મહામારીનો ભય પણ ફેલાયો છે. છેલ્લા બે દિવસમાં અહીં ત્રણ બાળકોનું મોત નીપજ્યું હતું. હોસ્પિટલોમાં દર્દીઓની સંખ્યા ઝડપથી વધી છે. ડેન્ગ્યુ-મેલેરિયા ઉપરાંત અનેક પ્રકારના તાવથી માનવ વસાહતોમાં કહેર સર્જાયો છે. દરમિયાન બાળકોના મોત અંગે સ્થાનિક ધારાસભ્ય ગોવિંદ પટેલ સાથે વાત કરવામાં આવી ત્યારે તેમણે બેજવાબદાર નિવેદન આપ્યું હતું. સરકારી તંત્રનો બચાવ કરતાં તેમણે કહ્યું કે, બીમારી તો મૃત્યુનું એક કારણ છે. ખરેખર, જીવવું અને મરવું ભગવાનના હાથમાં છે.
ગોવિંદ પટેલ અહીંયા અટક્યા નહીં. તેમણે વધુમાં કહ્યું કે, ભારે વરસાદને કારણે ગંદકી ફેલાવાને કારણે રોગચાળાની પરિસ્થિતિ ઉભી થઈ છે. જે અંગે હાઇ પાવર કમિટીની બેઠક બોલાવવામાં આવી છે. રાજ્ય સરકાર પણ અમારી માંગ પર તાત્કાલિક કામ કરે છે. અમે અહીંની હોસ્પિટલની ઉણપને દૂર કરીશું. અકસ્માતો અથવા હાર્ટ એટેક જેવી બાબતો માનવોના મૃત્યુનું કારણ બને છે, જીવન અને મૃત્યુ ઈશ્વરના હાથમાં છે.
આ પણ વાંચો: વીડિયો વાયરલ: વડોદરામાં એક રિક્ષાચાલકની રસ્તા વચ્ચે જવાને પીટાઈ કરી
તે જ સમયે, ગોવિંદ પટેલ સહીત આરોગ્ય સચિવ જયંતિ રવિએ સરકારી હોસ્પિટલની મુલાકાત લીધી હતી. તેમણે કહ્યું કે, એક મહિનામાં 13 હજાર દર્દીઓ સારવાર માટે આવ્યા છે. અને 86826 ઓપીડી સહિત 5468 આઈપીડી નોંધાઈ છે. ફેલાતો રોગચાળો ચિંતાનો વિષય છે અને આને રોકવા માટે સફાઇ કામગીરીને પ્રોત્સાહન આપવું જોઈએ.
મળતી માહિતી મુજબ છેલ્લા બે મહિનામાં ડેન્ગ્યુના 589 અને શંકાસ્પદ ચિકનગુનિયાના 48 કેસ નોંધાયા છે. જેમાં 51 દર્દીઓમાં ડેન્ગ્યુ પોઝિટિવ અને 2 ચિકનગુનિયા રિપોર્ટ પોઝિટિવ આવ્યા હતા.
Click it and Unblock the Notifications
Sign in with Google
