લોકસભા ચૂંટણી અંગે ભાજપ રાષ્ટ્રીય અધ્યક્ષ જેપી નડ્ડાએ કર્યો મોટો દાવો

Lok Sabha election 2024 : ભાજપ અધ્યક્ષ જેપી નડ્ડા અયોધ્યામાં રામ મંદિરના ઉદ્ઘાટનના એક દિવસ બાદ 23 જાન્યુઆરીએ ગુજરાત પ્રવાસે છે. જેપી નડ્ડા મંગળવારના રોજ ગાંધીનગર લોકસભા બેઠક ચૂંટણી કાર્યાલયનું ઉદ્ઘાટન કરવા પહોંચ્યા હતા.

આ સાથે જેપી નડ્ડાએ ભારતીય જનતા પાર્ટીની ડિજિટલ પહોંચ વધારવા માટે ગુજરાતની 26 લોકસભા બેઠકો પર પાર્ટીના ચૂંટણી કાર્યાલયોનું પણ ઉદ્ઘાટન કર્યું હતું.

આ દરમિયાન પત્રકારો સાથેની વાતચીતમાં જેપી નડ્ડાએ જણાવ્યું હતું કે, આજે હું ભાગ્યશાળી છું કે, મને અહીં ગાંધીનગર લોકસભા બેઠકના ચૂંટણી કાર્યાલયના શ્રી ગણેશને મળવાનો લહાવો મળ્યો હતો. આ સાથે આજે મને કહેવામાં આવ્યું કે, 25મીએ ચૂંટણી યોજાશે. લોકસભાની ચૂંટણીને ધ્યાનમાં રાખીને વધુ સ્થળોએ ઓફિસો ખોલવામાં આવશે.

જેપી નડ્ડાએ જણાવ્યું હતું કે, મને વિશ્વાસ છે કે, અમે વડાપ્રધાન મોદીના નેતૃત્વમાં 2024ની લોકસભા ચૂંટણીમાં સફળ થઈશું, અને પહેલા કરતા વધુ બેઠકો જીતીશું. જ્યાં સુધી ગુજરાતનો સવાલ છે, ત્યાં સુધીનો ટ્રેક રેકોર્ડ 26માંથી 26નો છે. મને અતૂટ વિશ્વાસ છે કે, 2024માં ગુજરાતની જનતા 26 બેઠકોમાંથી વડાપ્રધાન મોદીને જીત અપાવશે.

BJP National President Shri @JPNadda inaugurates Gandhinagar Loksabha Constituency Karyalaya in Ahmedabad, Gujarat. https://t.co/39nAWWOq7b

— BJP (@BJP4India) January 23, 2024

English summary

BJP National President JP Nadda made a big claim regarding the Lok Sabha election 2024