હાર્દિક પટેલ અને કોંગ્રેસ કરશે તાજ હોટલ સામે કેસ
હાર્દિક પટેલ અને કોંગ્રેસ અમદાવાદની તાજ હોટલ વિરુદ્ધ આવનારા સમયમાં એફઆઇઆર નોંધવશે. હાર્દિકે આ મામલે પ્રાઇવસી એક્ટ મામલે ફરિયાદ નોંધાવાની વાત કરી. વધુ વાંચો અહીં.
અમદાવાદમાં રાહુલ ગાંધીને હાર્દિક પટેલ તાજ હોટલમાં મળ્યો હતો કે નહીં તે મામલે વિવાદ દિવસેને દિવસે વધી રહ્યો છે. જ્યાં આ મામલે નાયબ મુખ્યમંત્રી નીતિન પટેલે હાર્દિક પાસેથી જવાબ માંગ્યો છે. ત્યાં જ બીજી તરફ હાર્દિક પટેલ જણાવ્યું છે કે તે તેના શબ્દો પર કાયમ છે. તે તાજમાં ખાલી અશોક ગેહલોતને જ મળ્યો હતો. જો કે હાલમાં જ જે નવા સીસીટીવી ફૂટેજ સામે આવ્યા છે તેમાં તેવું દેખાઇ રહ્યું છે કે હાર્દિક પટેલ અને રાહુલ ગાંધી એક પછી એક 224 નંબરના રૂમ નંબરમાંથી બહાર આવે છે. જો કે વિવાદ વધતા હાર્દિક પટેલે આ મામલે તેની પ્રાઇવસીનો ભંગ કરવા મામલે હોટલમાં કેસ કરવાની વાત ઉચ્ચારી છે.
હાર્દિક પટેલ કરશે કેસ
હાર્દિક પટેલ રાજકોટમાં મીડિયાને જણાવ્યું કે જે રીતે તેની પ્રાઇવસીને હોટલ દ્વારા બહાર પાડવામાં આવી છે તે જોતા તે તાજ હોટલ પર કેસ કરશે. વધુમાં વીડિયો અંગે હાર્દિક પટેલે કહ્યું કે તેણે પોતે પણ આ વીડિયો જોયા છે જેમાં તેવું ક્યાંય દેખાતું નથી કે તે અને રાહુલ સાથે હોય. આ પ્રસંગે હાર્દિકે કહ્યું કે તે તાજમાં માત્રને માત્ર અશોક ગેહલોતને મળ્યા હતા. અને આવનારા દિવસોમાં રાહુલ ગાંધીને પણ મળશે.
કોંગ્રેસ
આ મામલે કોંગ્રેસે પણ જણાવ્યું છે કે કેવી રીતે કોઇ હોટલોના સીસીટીવી ફૂટેજ આવી રીતે બહાર આવી શકે. તેણે આ સીસીટીવી ફૂટેજની ઘટના પર ભાજપ પર પ્રહાર કરતા કહ્યું કે ભાજપ અમારી જાસૂસી કરાવે છે. અને આ અંગે તેમણે હોટલ સામે પગલાં લેવાની વાત પણ ઉચ્ચારી છે. આમ આવનારા સમયમાં આ મામલે કોંગ્રેસ અને હાર્દિક બન્નેએ કેસ કરવાની વાત ઉચ્ચારી છે.
Click it and Unblock the Notifications
Sign in with Google
