Video: અમદાવાદના શાહ-આલમમાં કાશ્મીરી સ્ટાઈલમાં પોલીસ પર પથ્થરમારો

Updated: Thursday, December 19, 2019, 21:20 [IST]

અમદાવાદઃ સિટિઝનશીપ એમેન્ડમેન્ટ એક્ટના વિરોધમાં આજે મુસ્લિમ સંગઠનોએ અમદાવાદમાં બંધનું એલાન કર્યું હતું, જેને પગલે અમદાવાદમાં સવારે સજ્જડ બંધ જોવા મળ્યું હતું. બાદમાં પ્રદર્શન ઉગ્ર બનતાં ખાનપુર અને શાહ આલમ વિસ્તારમાં પોલીસ પર પથ્થરમારો થયો. મોટી સંખ્યામાં એકઠી થયેલી ભીડે શાહઆલમ અને રખિયાળ વિસ્તારમાં પથ્થરમારો કર્યો હતો. ઘટનાને પગલે 20 જેટલા પોલીસકર્મચારીઓ ઘાયલ થયા છે.

માહિતી મુજબ ઘાયલ પોલીસકર્મીઓમાં પીઆઈ જે એમ સોલંકી, પોલીસ કોન્સ્ટેબલ યશપાલસિંહ કે જાડેજા, કુલદીપ સિંહ હનુભા, ભારતી બેન પંજાભાઈ, એએસઆઈ યાસિન મિયા, હેડ કોન્સ્ટેબલ ઝાકીર ખાન અને રાજેન્દ્રસિંહ, પીએસઆઈ આઈએચ ગઢવી, લોકરક્ષક અશોકભાઈ રાઘવભાઈ તથા હોમગાર્ડ સાબિરભાઈ ફતેહ મોહમ્મદનો સમાવેશ થાય છે.

#AhmedabadPolice Injured While Controlling The Unruly Mob in Shahalam area in #Ahmedabad. #CAAProtest pic.twitter.com/M9RNmcQ65Z
— TAPAN THAKAR (@ThakarTapan) December 19, 2019

માહિતી મુજબ કાશ્મીરી સ્ટાઈલમાં શાહ આલમમાં કેટલાક અસામાજિક તત્વોએ મોઢે રૂમાલ બાંધી પોલીસ પર પથ્થરમારો કર્યો હતો. શાહઆલમમાં મોટી સંખ્યમાં લોકો રસ્તા પર ઉતરી આવ્યા હતા, અને પોલીસના વાહનને પણ ઘેરી લીધું હતું. સ્થિતિને કાબૂમાં લેવા માટે પોલીસે લાઠીચાર્જ શરૂ કર્યો હતો, જો કે ટોળાએ પથ્થરમારો ચાલુ કરી દેતા પોલીસે ટીયરગેસના શેલ છોડવામાં આવ્યા હતા.

A clip shows how a cop was thrashed by a mob protesting Citizenship Amendment Act without permission in Shah Alam area of Ahmedabad earlier today: city police officials have made it clear that cases will be registered and those involved in attacks will be identified and arrested pic.twitter.com/pQGvDoIOkr
— DeshGujarat (@DeshGujarat) December 19, 2019

બીજી તરફ શહેરના લાલદરવાજા પાસે આવેલ સરદારબાગમાં સવારથી જ પ્રદર્શનકારીઓ ભેગા થયા હતા. માહોલ ગરમાતા પોલીસે લાઠીચાર્જ કરવો પડ્યો હતો અને 50 જેટલા લોકોની અટકાયત કરી હતી. હાલ શાહઆલમ વિસ્તારમાં પોલીસે ચુસ્ત બંદોબસ્ત ગોઠવી દીધો છે. પોલીસ પર હુમલો થતાં રાયોટિંગનો ગુનો નોંધી લેવામાં આવ્યો છે અને ફૂટેજના આધારે દોષિતોને સજા કરવાની વાત કહેવામાં આવી છે.