કોંગ્રેસના ઇન્દ્રનીલ રાજગુરુ પાસે છે 141 કરોડની સંપત્તિ
સીએમ વિજય રૂપાણીની વિરુદ્ધ રાજકોટ પશ્ચિમથી ચૂંટણી લડનાર કોંગ્રેસી ઉમેદવાર ઇન્દ્રનીલ રાજગુરુ પાસે છે 141 કરોડની સંપત્તિ. જાણો આ અંગે વધુ અહીં.
વિજય રૂપાણીની સામે રાજકોટ પશ્ચિમની બેઠક પરથી કોંગ્રેસના ઉમેદવાર તરીકે ઉમેદવારી ફોર્મ ભરનાર ઇન્દ્રનીલ રાજ્યગુરુ પાસે 141 કરોડ રૂપિયાની સંપત્તિ છે. આ જાહેરાત તેમણે તેમના ઉમેદવારી પત્રમાં પણ કરી છે. વધુમાં રાજગુરુ વૈભવી કારોનો પણ જબરો શોખ છે. તેમની પાસે 6 કરોડ જેવા તો વાહનો છે. ઉલ્લેખનીય છે કે ઇન્દ્રનીલ રાજકોટ કોંગ્રેસના એક વરિષ્ઠ નેતા છે. આ સાથે જ રાજ્યના અમીર ધારાસભ્યોમાં રાજગુરુના નામનો પણ સમાવેશ થઇ ગયો છે.
ઉલ્લેખનીય છે કે ધોરણ 12 સુધી જ અભ્યાસ કરનાર ઇન્દ્રનીલ પાસે કુલ 13 વહાનો છે. વળી તેમના તમામ રજિસ્ટ્રેશન નંબરોની પાછળ તે 99 નંબર જ રાખે છે જે તેમની આગવી ઓળખ છે. 26 જૂન 1966માં જન્મેલા ઇન્દ્રનીલ લાંબા સમયથી ગુજરાત કોંગ્રેસ સાથે જોડાયેલા છે. ઉલ્લેખનીય છે કે તેમના પહેલા કોંગ્રેસના બળવંતસિંહ રાજપૂતને કોંગ્રેસના નંબર 1 કરોડપતિ ધારાસભ્ય માનવામાં આવતા હતા. પણ હવે બળવંતસિંહ ભાજપમાં જોડાતા ઇન્દ્રનીલ રાજ્યગુરુ ગુજરાતના નંબર 1 કરોડપતિ ધારાસભ્ય બની ગયા છે.