મોદીજીને મનની વાત કહેવી ગમે છે પણ સાંભળવી નહીં: રાહુલ ગાંધી

કોંગ્રેસ ઉપાધ્યક્ષ રાહુલ ગાંધી આજે અમદાવાદમાં રિવરફ્રન્ટ ખાતે તેમના સંવાદના કાર્યક્રમમાં હાજરી આપવા આવી પહોંચ્યા હતા. કોંગ્રેસના યુવરાજે આવતાની સાથે જ પીએમ મોદી અને ગુજરાત સરકાર પર એક પછી એક વાક બાણ ચલાવવાની શરૂઆત કરી લીધી હતી. રાહુલ ગાંધીએ આ કાર્યક્રમમાં મીડિયાથી લઇને જીએસટી અને ગુજરાતમાં કોની ટિકિટ મળશે તે પર ટિપ્પણી કરી હતી. ત્યારે રાહુલ ગાંધીએ તેમના ભાષણમાં શું કહ્યું વિગતવાર વાંચો અહીં.

• તેવા પણ લોકો છે જે મોદીજીના વિરુદ્ધ લખવા માંગે છે પણ સરમુખત્યારશાહીના આ સમયે તેમને દબાવવામાં આવી રહ્યા છે. 

• જો કોઇએ કોંગ્રેસ પાર્ટીને અંદરથી હરાવાનું કામ કર્યું તો તેને કોંગ્રેસમાં જગ્યા નહીં અપાય.

• અમારા જે કોંગ્રેસી કાર્યકર્તાઓ જમીની લેવલ પર આરએસએસ અને ભાજપની સાથે લડી રહ્યા છે પાર્ટી તેને જ ટિકિટ આપશે.

• મીડિયાને ખેડૂતો અને નાના વેપારી નહીં મોદીજીના 2-4 મિત્રો ચલાવે છે. 

• જીએસટી પર બોલતા કહ્યું કે અમે સરકારને જીએસટીમાં આટલા સ્લેબ ના રાખવા માટે સૂચન કર્યું હતું. સાથે જ 18 ટકા સુધી જ જીએસટી લિમિટ રાખવાનું કહ્યું હતું.