Cyclone Biparjoy વચ્ચે ગુજરાતમાં 274 મહિલાઓએ હૉસ્પિટલમાં બાળકને આપ્યો જન્મ

Cyclone Biparjoy: વાવાઝોડા બિપરજોયના ખતરાને જોતા ગુજરાતમાં મોટી સંખ્યામાં લોકોને સુરક્ષિત સ્થળોએ ખસેડવામાં આવ્યા છે. આ દરમિયાન, ગુજરાતના દરિયાકાંઠાના વિસ્તારમાં લગભગ 270 સગર્ભા મહિલાઓને સાવચેતીના પગલા તરીકે અલગ-અલગ હોસ્પિટલમાં દાખલ કરવામાં આવી હતી.

કચ્છ જિલ્લાના ડીએમ અમિત અરોરાએ જણાવ્યું હતું કે અમે 512 મહિલાઓને સબ-ડિસ્ટ્રિક્ટ હૉસ્પિટલમાં દાખલ કરી હતી, જેમાંથી 274 મહિલાઓએ સુરક્ષિત રીતે બાળકને જન્મ આપ્યો છે અને તેઓ તેમના ઘરે પરત ફરી છે. બાકીની મહિલાઓ હજુ હૉસ્પિટલમાં દાખલ છે.

આ મહિલાઓને બે દિવસ પહેલા હૉસ્પિટલમાં દાખલ કરવામાં આવી હતી. વાવાઝોડા પહેલા, આ મહિલાઓને લેબર પેઇન શરૂ થયું હતું, જેના કારણે તેમને હૉસ્પિટલ લઈ જવામાં આવી હતી.

નોંધનીય છે કે રાજ્ય સરકારે અત્યાર સુધીમાં 94 હજારથી વધુ લોકોને સલામત સ્થળે ખસેડ્યા છે. લગભગ 8 રાજ્યોમાં લોકોને સુરક્ષિત સ્થળોએ ખસેડવામાં આવ્યા છે. જે લોકોને બહાર કાઢવામાં આવ્યા છે તેમાં 8900 બાળકો, 1100 ગર્ભવતી મહિલાઓનો સમાવેશ થાય છે.

ચક્રવાતને પહોંચી વળવા માટે ઘણી રાહત અને બચાવ ટીમો તૈનાત કરવામાં આવી છે. ચક્રવાતથી ઉદ્ભવતા કોઈપણ પડકારને પહોંચી વળવા NDRF, SDRF, માર્ગ વિભાગ, પરિવહન વિભાગ, ઉર્જા વિભાગને સ્ટેન્ડબાય રાખવામાં આવ્યા છે.

ભારતીય સેના, વાયુસેના અને નૌકાદળ પણ ચક્રવાતની મદદ માટે સ્ટેન્ડબાય પર છે. સરકાર ચક્રવાત પર ચાંપતી નજર રાખી રહી છે, સરકાર કોઈપણ સંભવિત નુકસાન પર નજર રાખી રહી છે.

તમને જણાવી દઈએ કે ચક્રવાત બિપરજોય ગઈકાલે સાંજે 6.30 કલાકે ગુજરાતના કચ્છ જિલ્લામાં જખૌ તટ પર ત્રાટક્યું હતું. જો કે દરિયાકાંઠે અથડાયા બાદ વાવાઝોડાની ગતિમાં સતત ઘટાડો જોવા મળી રહ્યો છે. હવે આ વાવાઝોડું રાજસ્થાન તરફ આગળ વધી રહ્યું છે અને તેની ઝડપ 75-85 કિમી પ્રતિ કલાક છે.

હવામાન વિભાગ દ્વારા કહેવામાં આવ્યું છે કે આજે અને આવતીકાલે રાજસ્થાન અને ગુજરાતમાં ભારે વરસાદ પડી શકે છે. આગામી ચાર દિવસ રાજસ્થાન, પંજાબ, હરિયાણા, દિલ્હી અને ઉત્તર પ્રદેશમાં પણ ભારે વરસાદની સંભાવના છે. દિલ્હીમાં સતત ચાર દિવસ સુધી વરસાદની સંભાવના છે.

English summary

Cyclone Biparjoy: 274 women gave birth to child in Gujarat amid cyclone.