Cyclone Biparjoy: બિપરજોયનો અર્થ શું? વાવાઝોડાના નામકરણ કેવી રીતે થાય છે?

Cyclone Biparjoy Meaning: અરબ સાગરમાં સર્જાયેલું શક્તિશાળી વાવાઝોડુ 'બિપરજોય' આજે રાતે 8થી 9 વાગ્યાની વચ્ચે જખૌના દરિયાકાંઠે ત્રાટકશે. તે ખૂબ જ ખતરનાક છે અને આ કારણોસર ગુજરાત સહિત આઠ રાજ્યોમાં તેને લઈને એલર્ટ જાહેર કરવામાં આવ્યું છે. ગુજરાતને સૌથી વધુ અસર થશે અને તેથી જ અહીં રેડ એલર્ટ ચાલુ છે.

તમને જણાવી દઈએ કે આ વર્ષનું આ પહેલું વાવાઝોડું છે જે અરબ સાગરમાં સર્જાયુ છે અને લાંબા સમયથી દરિયામાં બનવાને કારણે ખૂબ જ ખતરનાક બની ગયું છે. આવું વાવાઝોડુ છેલ્લામાં 31 વર્ષમાં આવ્યુ નથી.

તમને જણાવી દઈએ કે આ વખતે બાંગ્લાદેશે આ તોફાનને નામ આપ્યું છે, જેનો બંગાળી ભાષામાં અર્થ 'ખુશી' છે. તેની અસર પાકિસ્તાન, બાંગ્લાદેશ અને ઓમાનમાં પણ જોવા મળશે. પાકિસ્તાનમાં આ તોફાનના કારણે સિંધુ ક્ષેત્રમાં ઈમરજન્સી જાહેર કરવામાં આવી છે. આવો જાણીએ આ વાવાઝોડાઓના નામ કોણ રાખે છે.

તમને જણાવી દઈએ કે વાવાઝોડાને નામ આપવા માટે એક સંસ્થા છે, જે આખા વર્ષ દરમિયાન વૈકલ્પિક રીતે વાવાઝોડાને નામ આપે છે. વર્ષ 1953માં વર્લ્ડ મીટીરોલોજીકલ ઓર્ગેનાઈઝેશન દ્વારા એક સમિતિની રચના કરવામાં આવી હતી, જે વાવાઝોડાનો રેકોર્ડ રાખતી હતી, પરંતુ તે તેનું કામ યોગ્ય રીતે કરી શકતી ન હતી અને તે પછી વર્ષ 2004માં હવામાન વિભાગ દ્વારા આઠ સભ્યોની એક સમિતિની રચના કરવામાં આવી હતી. જેમાં નિશ્ચિત થયું કે તેઓ વાવાઝોડાને મૂળાક્ષરોના ક્રમમાં નામ આપશે. જો કે હવે આ સમિતિના સભ્યોની સંખ્યા વધીને 13 થઈ ગઈ છે.

આ 13 દેશોમાં ભારત, બાંગ્લાદેશ, મ્યાનમાર, પાકિસ્તાન, માલદીવ, ઓમાન, શ્રીલંકા, થાઈલેન્ડ, ઈરાન, કતાર, સાઉદી અરેબિયા, સંયુક્ત આરબ અમીરાત યમનનો સમાવેશ થાય છે.

પહેલા તોફાનોનું નામ મહિલાઓના નામ પર રાખવામાં આવતુ હતું, જેના પર કેટલાક લોકોએ વાંધો ઉઠાવ્યો હતો, ત્યારબાદ હવે ચક્રવાતનું નામ પુરુષોના નામ પર પણ રાખવામાં આવે છે. આ બધા પાછળનો હેતુ એક જ છે કે આ નામો લોકોના મગજમાં તરત જ ક્લિક થઈ જાય માટે ક્રેઝી શબ્દોનો ઉપયોગ કરવામાં આવે છે.

ચક્રવાત વાસ્તવમાં એક ફરતો વાયુનો ઢગલો છે, જે ખૂબ જ ભયંકર હોય છે, તે એક કુદરતી પ્રક્રિયા છે પરંતુ તેનાથી ઘણો વિનાશ થાય છે. દૂરથી તે અંગ્રેજીના U અક્ષર જેવો દેખાય છે. જ્યારે ગરમ હવાની આસપાસ નીચા વાતાવરણીય દબાણને કારણે નીચા દબાણનું નિર્માણ થાય છે, ત્યારે તે જન્મે છે અને તે ખતરનાક વાવાઝોડામાં ફેરવાય છે અને આ સમય દરમિયાન ભારે વરસાદ અને ખૂબ જ જોરદાર પવન આવે છે.

English summary

Cyclone: What is the meaning of Biparjoy? who gave the names to cyclones? Know details.