Devbhoomi Dwarka Earthquake : દેવભૂમિ દ્વારકાના ભાણવડ પંથકમાં ભૂકંપના આંચકા અનુભવાયા
Devbhoomi Dwarka Earthquake : દેવભૂમિ દ્વારકા જિલ્લાના ભાણવડ અને આસપાસના વિસ્તારોમાં છેલ્લા બે દિવસથી ભૂકંપના આંચકા અનુભવાઈ રહ્યા છે. જેના કારણે સ્થાનિક લોકોમાં ભય અને ચિંતાનો માહોલ ફેલાયો છે.
આ ભૂકંપના આંચકાઓએ અચાનક સામાન્ય જનજીવનમાં ખલેલ પહોંચાડી છે અને લોકોમાં સલામતીને લઈને પ્રશ્નો ઊભા થયા છે.
ગઈકાલે સાંજે એક જ સમયે બે ભૂકંપના આંચકા નોંધાયા હતા. પહેલો આંચકો સાંજે 7:32 કલાકે અને બીજો આંચકો બરાબર પાંચ મિનિટ બાદ એટલે કે 7:37 કલાકે અનુભવાયો હતો.
આ ભૂકંપની તીવ્રતા રિક્ટર સ્કેલ પર 2.3 જેટલી મામૂલી હોવા છતાં અચાનક આવેલા ધડાકા જેવા અવાજોથી લોકો ગભરાઈ ગયા હતા. ભૂકંપનું કેન્દ્ર પોરબંદરથી લગભગ 37 કિલોમીટરના અંતરે હોવાનું અનુમાન છે.
આ પ્રકારે વારંવાર આવતા નાના આંચકાઓ સ્થાનિક લોકોમાં ચિંતાનું કારણ બન્યા છે. ભૂકંપની ભયજનક યાદો તાજી થતાં લોકો રાત્રિના સમયે પણ સતર્ક રહેવા લાગ્યા છે.
ભૂકંપના આંચકાને પગલે, સ્થાનિક વહીવટી તંત્ર અને ડિઝાસ્ટર મેનેજમેન્ટ વિભાગ પણ સક્રિય બન્યું છે. વિભાગ દ્વારા ભૂકંપના આંચકાની પુષ્ટિ કરવામાં આવી છે અને લોકોને અફવાઓથી દૂર રહેવા તથા શાંતિ જાળવવા અપીલ કરવામાં આવી છે.
Click it and Unblock the Notifications
Sign in with Google
