ડી.જી.વણઝારાનો પુત્ર 75 હજારની લાંચ લેતા ઝડપાયો

ભૂતપૂર્વ પોલિસ અધિકારી ડી.જી.વણઝારાનો પુત્ર અર્જૂનસિંહ વણઝારાને 75 હજારની લાંચ લેતા રંગેહાથે પકડવામાં આવ્યો છે. નોંધનીય છે કે અર્જૂન હાલ વડોદરા ગ્રામ્ય મામલતદાર છે. અને તેને જમીનના ઓર્ડર પર સહી કરવા મામલે તેમણે એક ખેડૂત પાસેથી 75,000 રૂપિયાની લાંચની માંગણી કરી હતી જે બાદ, આ પર તેને લાંચ લેતા રંગે હાથે પકડવામાં આવ્યો છે.

એસીબી દ્વારા આ અંગે છટકું ગોઠવવામાં આવ્યું હતું. કહેવાય છે કે અર્જૂને ખેડૂત પાસે જમીનનો ઓર્ડર પાસ કરાવવા માટે 1 લાખ રૂપિયાની માંગણી કરી હતી. પણ છેવટે લે-વેચ કરીને બધુ 75,000માં નક્કી થયું હતું. જો કે ખેડૂત ચિંતન પટેલ લાંચ આપતી રોકવા માટે એસીબી આગળ પોતાની ફરિયાદ નોંધાવી હતી. જે બાદ ફરિયાદ મુજબ એસીબીએ છટકું ગોઢવીને રંગ હાથે અર્જૂન વણઝારાને પકડી પાડ્યા હતા.

જો કે જ ડીજી વણઝારાને આ અંગે હજી સુધી કોઇ ટિપ્પણી નથી કરી. આ કેસમાં નાયબ મામલતદારની પણ લાંચ લેવા મામલે ધરપકડ કરવામાં આવી છે. ત્યારે આ અંગે હાલ ધરપકડ બાદ બન્નેની પુછપરછ એસીબી દ્વારા કરવામાં આવી રહી છે.

English summary

DG Vanzara's Son Arrested Taking Bribe In Vadodara